2 Kronikɛls 16:6 - EBƆRƐ BE KAWƆL

⁶ Ndoŋ nna nɛ ewura Asa tre Juda be efuli so be benyɛn n shɛr abar so ŋ kaŋɛ bumo fanɛ b muu ajembu nɛ ndibi nɛ Baasha kɔ a shuŋ ashi Raama na. Ndoŋ nna nɛ b muu amo m ya pɔr egbal ŋ kulti Gɛba nɛ Mizpa be nde.

2 Kronikɛls 16:6 ပူးပေါင်းရင်းမြစ်များ

1 Bewura 15:16

Juda be ewura Asa nɛ Israɛl be ewura Baasha daa kɔ abar kena nna saŋkama.

1 Bewura 15:22

Ndoŋ nna nɛ ewura Asa tre Juda be efuli so be benyɛn n shɛr abar so ŋ kaŋɛ bumo fanɛ b muu ajembu nɛ ndibi nɛ ewura Baasha kɔ a shuŋ ashi Raama na. Ndoŋ nna nɛ b muu amo n ya pɔr egbalshin n sɔ egbal nɛ b pɔr ŋ kulti Gɛba nɛ k wɔ Bɛnjamin be efuli so na nɛ Mizpa be nde na to.

1 Kronikɛls 6:60

B daŋ ta Gɛba nɛ Alemɛf nɛ Anatɔf nɛ amo be asɔbɔya be ejikpa be nsawule ashi Bɛnjamin be yiri to nna n sa Ɛɛrɔn be kaman to ebi. Nde nɛ b daŋ ta n sa Ɛɛrɔn be kaman to ebi kikɛ daa wɔ nde kuduasa.

2 Kronikɛls 16:5

Ewura Baasha ka nu kusɔ nɛ k bee wora na, nɛ e shin nɛ b yige egbal na be kepɔr ŋ kulti Raama be kushuŋ na nseŋ bɛta n yɔ epe.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 21:17

B daŋ kɔ nna n sɔ Juda nseŋ muu ewura be laŋ to be asɔ kikɛ, m pɛ mbe beche nɛ mbinyɛnsobi kikɛ n yɔ. Mbe pibinyɛn Ahaziya nɛ e la kaluge na nawule nɛ b daa maŋ pɛ.

Aizaaya 10:29

pɔɛŋ nseŋ dii ketaŋɛ na n ya dese Gɛba ŋklade! Kufugboŋ ko daŋ tɔr basa nɛ b wɔ kade nɛ baa tre Rama na so nna, nɛ basa nɛ b wɔ Gibiya, nɛ k la Ewura Sɔɔl be kade to na, shile ŋ ka kade na.

Jɛremaya 40:6

Nɛ n yɔ Gɛmaliya kutɔ ashi kade nɛ baa tre Mizpa na nseŋ ya kaa wɔ basa nɛ b ka kasawule na so na to.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Joshuwa 15:38

Dilɛan nɛ Mizpa nɛ Jokteel nɛ

1 Samuɛl 10:17

Nɛ Samuɛl shin nɛ Israɛlebi na gbargbar abar ashi Mizpa n shuŋ Enyɛnpe Ebɔrɛ ndoŋ

1 Samuɛl 7:16

Kafɛ kikɛ e bee nite a chambɔ Bɛtɛl nɛ Gilgaal nɛ Mizpa be nde nna a ji Israɛlebi nɛ b wɔ ndoŋ be asheŋ n sa bumo.

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.