2 Kronikɛls 16:4 - EBƆRƐ BE KAWƆL

⁴ Nɛ ewura Bɛnhadad shuli kusɔ nɛ Asa kaŋɛ na nseŋ shuŋi mbe benapo nɛ bumo be benimu fanɛ b ya kɔ Israɛl be ndegboŋana na. B daŋ ya kɔ m pɔɔ Ijɔn nɛ Dan nɛ Abel Mayim nɛ Naftali be ndegboŋana nɛ b daa ta bumo be asɔ a yili to na kikɛ so nna.

2 Kronikɛls 16:4 ပူးပေါင်းရင်းမြစ်များ

Jɛnesis 14:14

Eebram ka nu fanɛ b pɛ mo sipo pibi na nɛ e tre benapo nɛ b kurge mbe laŋ to kikɛ m ba shɛr. Bumo kikɛ daa wɔ basa alfa asa nɛ kuduaburwa, nɛ b ju m buu bewura ana na so hale n ya fo kade nɛ baa tre Dan na.

1 Bewura 15:20

Nɛ ewura Bɛnhadad shuli kusɔ nɛ Asa kaŋɛ na nseŋ shuŋi mbe benapo nɛ bumo be benimu fanɛ b ya kɔ Israɛl be ndegboŋana na. Ndoŋ nna nɛ b ya kɔ m pɔɔ Ijɔn nɛ Dan nɛ Abel Bɛf Maaka nɛ efuli nɛ k wɔ Galili be teku na be kaba so nɛ Naftali be efuli so kikɛ.

1 Bewura 9:19

nseŋ pɔr nde nɛ e bee ta mbe ajibi nɛ egbaŋɛturko nɛ egbaŋɛ a yili to na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

2 Kronikɛls 16:3

“Shin nɛ anyi nɛ fo e wora kɔnɔkoŋwule fanɛ kananɛ an tutoana daŋ wora na. Gbiti nɛ shuwa na bre la fo kakɛ nna. A daga fanɛ fo ku fo nɛ Israɛl be ewura Baasha be kɔnɔkoŋwule nɛ men kɔ na to, nɛ kumo be loŋ e shin nɛ e lara mbe benapo ashi ma kasawule so.”

2 Kronikɛls 16:5

Ewura Baasha ka nu kusɔ nɛ k bee wora na, nɛ e shin nɛ b yige egbal na be kepɔr ŋ kulti Raama be kushuŋ na nseŋ bɛta n yɔ epe.

2 Kronikɛls 17:12

Ewura Jehoshafat be kuwurji be eleŋ daŋ baa ti so nna saŋkikɛ. E daŋ pɔr egbalana nna ŋ kulti Juda be nde nseŋ pɔr nde nɛ baaŋ baa yili

2 Kronikɛls 8:6

Loŋ koŋwule na nɛ e wora n sa Baalaf nɛ nde nɛ e bee ta ajibi nɛ egbaŋɛturko nɛ egbaŋɛ a yili na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Aizaaya 9:1

Ama basa nɛ b daŋ ji awurfoŋ na maaŋ naa wɔ ebesa to. Zɛbyulɔn nɛ Naftali be eyiriana be nsawule daŋ ji nyɔmɔ nna, ama echefoso kemaŋkura beeŋ ba kebonfu nɛ k yili Teku nɛ baa tre Mɛditerenia na be epeŋilarkpa be kaba so n dese n ya fo lɔr nɛ baa tre Jɔɔdan na, hale n ta n ya fo Galili be kasawule nɛ nnyamase tase so na so ebi so.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.