2 Kronikɛls 16:14 - EBƆRƐ BE KAWƆL

¹⁴ nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

2 Kronikɛls 16:14 ပူးပေါင်းရင်းမြစ်များ

Jɛnesis 50:2

Kumo be kaman nɛ Josɛf sa basa nɛ baa mɛa bubuni to a puli na ekpa fanɛ b gbiti mo tuto Jeekɔb be eyur kudur, nɛ k sa maŋ bɛ.

Jɛnesis 50:5

Men kaŋɛ mo fanɛ n tuto ka daa shin nɛ e wu, e daŋ shin nna nɛ n nase kɔnɔ n sa mo fanɛ nɛ e kaŋ wu, meeŋ ya puli mo nchaŋ nɛ e wora n nase Keenan na to. Amoso e jande, e sa ma ekpa nɛ n yɔ ndoŋ n ya puli mo nseŋ naa ba.”

2 Samuɛl 2:32

Jɔab nɛ mbe basa daŋ ta Asahɛl be kebuni nna n ya puli bumo kanaŋ to be kejembu laŋ be nchaŋ to ashi Bɛtlɛhɛm. Kumo be kaman nɛ b nite kumo be kanyɛso na kikɛ n ya fo Hibrɔn kachipurdidi.

2 Kronikɛls 16:13

E ka naŋ ji nfɛnyɔ n ti so, nɛ e wu

2 Kronikɛls 21:19

Kumo be nfɛ anyɔ be kefɛato, nɛ mbe kulɔ na nyaŋɛto nɛ e wu ebesa damta to. Mbe beyaasepo daa maŋ puga edɛgboŋ mbe keelibuna m maŋkura mo fanɛ kananɛ b wora n sa mo nananyɛnana na.

2 Kronikɛls 32:33

Ewura Hɛzekaya ka wu, kakpa nɛ baa puli bewura nɛ b kɔ bunyaŋ ga na nɛ b ya puli mo. Juda nɛ Jerusalɛm be basa kikɛ daŋ sa mbe keeliwora kemaŋkura ga. Mo pibinyɛn Manase e daŋ sɔ mo so n ji kuwura.

2 Kronikɛls 35:24

Ndoŋ nna nɛ b lara mo gbaŋɛturko nɛ e daa wɔtɔ na to n wɔtɔ mbe gbaŋɛturko pɔtɛ to n yɔ Jerusalɛm. E ka wu, nɛ b ya puli mo kakpa nɛ baa puli bewura na, nɛ Juda nɛ Jerusalɛm be basa kikɛ shu mbe keeli.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Aizaaya 22:16

“Wanɛ nɛ fee fɛ fanɛ fo la? Manɛ e ba nɛ fo kur fo nchaŋ n nase kakpa nɛ baa puli bewura?

Jɛremaya 34:5

Feeŋ wu kayurwushi so nɛ b puga ndishiŋ n shu fo keeli m a ŋini bunyaŋ nɛ b kɔ a sa fo. Baaŋ shu fo keeli fanɛ kananɛ b shu fo nananyɛnana nɛ b daa la bewura nseŋ wu na be nli na. Baaŋ baa shu fo keeli a kaŋɛ: ‘Anyi be ewura e wu! Anyi be ewura e wu o!’ Ma, Enyɛnpe Ebɔrɛ e kaŋɛ na.”

Maak 16:1

Kewushiachɛ na be jemanɛ ka baŋ choŋ nɛ Mɛɛri Magdalin nɛ Jeems mo nio Mɛɛri nɛ Salomi tɔ etulale nɛ b ya gbiti Yesu.

1 Samuɛl 31:12

nɛ bumo be basa nɛ b kɔ kenyɛn ga na koso kanyɛso na kikɛ n nite n yɔ Bɛf Shan, n ya lara Sɔɔl nɛ mbe mbinyɛnsobi na be eyurana ashi egbal na so m bɛta amo n yɔ Jabesh n ya chɔɔ amo ndoŋ.