2 Kronikɛls 16:10 - EBƆRƐ BE KAWƆL

¹⁰ Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 16:10 ပူးပေါင်းရင်းမြစ်များ

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 12:31

E daŋ shin nna nɛ kumo be basa ta ekapɛnta be nsaŋɛgboŋ nɛ baa tre sɛrdaa na nɛ abɛlso be ntekpa nɛ akpanfu a tintiŋ bumo nɛ b baa shuŋ a ku ebirkesi. Loŋ koŋwule na nɛ e daŋ wora ndewurbi nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

1 Bewura 13:4

Ewura Jeroboam ka nu loŋ, nɛ e teŋi enɔ ŋ ŋini anebi na nseŋ kaŋɛ: “Men pɛ mo!” Epul na to nɛ mbe enɔ na wɔl nɛ e nyɔŋ kumo to ŋ gben.

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

2 Kronikɛls 16:11

B sibɛ Asa ka ji kuwura hale n ya loge be asheŋ kikɛ n wɔtɔ Juda nɛ Israɛl be bewura be adrasheŋ be nwɔl to.

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 18:26

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya bɛta m ba nɛ alenfia pɔɛŋ.”

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

2 Kronikɛls 26:19

Ewura Uziya daa yil bɔrɛlambu na to nna m mata bɔrɛsure nɛ baa chɔɔ duwu kumo so na a kɔ kusɔ chɔɔ duwu to. E ka nu bɔrɛmatapoana na be kefiɛso nɛ e nya agbo nɛ keboti pɛ mbe kasɔto epul na to.

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Jɛremaya 20:2

nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 26:21

Ewura Jehowakim nɛ mbe benimuana nɛ benapo be bejuŋkparpoana na ka nu kusɔ nɛ anebi Uriya kaŋɛ na, nɛ ewura na wora ania fanɛ e beeŋ mɔ mo. Ama Uriya daŋ nu kumo be asheŋ nseŋ ta kufu n shile n yɔ Ijipt be efuli so.

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 37:15

B daŋ nya agbo ga nna n wɔtɔ ma nseŋ kaŋɛ esoji na fanɛ b bri ma. Kumo be kaman nɛ b keta ma n yɔ Jonatan nɛ e la ewurkpa be ekrachi na be eko be laŋ nɛ b ta ŋ ki kabuti be kakpa na n ya ti ebu.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Nfabel 3:34

Kekeni basa nɛ b wɔ kabuti to jiga, nseŋ ta bumo fanɛ achɛbi a chichi so,

Luuk 3:20

Ade malɛ kikɛ be kaman nɛ e pɛ Jɔn n ti ebu gba kuraa.