2 Kronikɛls 15:2 - EBƆRƐ BE KAWƆL

² nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 15:2 ပူးပေါင်းရင်းမြစ်များ

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

2 Bewura 21:14

Meeŋ kplaŋ basa nɛ b maŋ wu na so nseŋ shin nɛ bumo doŋana e kɔ m pɔɔ bumo so m muu bumo be kasawule na so be asɔ kikɛ.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 11:12

nɛ abɛlso be asɔkuŋso nɛ akpaana n wɔtɔ amo to. Ŋkpal loŋ so e daŋ ji eleŋ Juda nɛ Bɛnjamin be nde so ga.

2 Kronikɛls 12:5

Anebi Shemaya daŋ yɔ ewura Rehoboam nɛ Juda be bejuŋkparpoana nɛ b shile n ya ŋana Shishak so ashi Jerusalɛm na kutɔ nna n ya kaŋɛ bumo le: “Enyɛnpe be kubɔya nɛ e kɔ a sa menyi nde. E yɛ: ‘Ŋkpal men ka kini ma so, ma alɛ gba yige menyi m bɔɔ Shishak enɔ.’ ”

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

2 Kronikɛls 13:4

Benapo na daŋ ya tu abar abee so be efuli nɛ k wɔ Efrayim na nna. Ewura Abija daŋ dii kebeegboŋ nɛ baa tre Zemariam na nna n yɔ kumo be esoso n ya tre Jeroboam nɛ Israɛlebi na m ponte ŋ kaŋɛ le: “Men nu nfe!

2 Kronikɛls 15:15

Juda be basa kikɛ be ŋgbene daŋ fuli bumo nna ŋkpal b ka ta bumo be ŋgbene kikɛ n nase nnɔ n sa abar na so. Saŋkama nɛ baa bunyaŋ Ebɔrɛ, bumo be ŋgbene daa fuli bumo nna ŋkpal e ka daŋ sɔ bumo nseŋ sa bumo kagbenewushi ashi kusɔ kama to so.

2 Kronikɛls 15:4

Ama saŋkama nɛ b luri tɔrɔ to baa fin Enyɛnpe Israɛl be Ebɔrɛ na nna nsaa wu mo.

2 Kronikɛls 20:15

Ndoŋ nna nɛ Jahaziil kaŋɛ le: “Enyɛnpe Ebɔrɛ yɛ, fo nɛ Juda nɛ Jerusalɛm be basa kikɛ e sa maa lɔ kufu ŋko a pɔ aba ŋkpal benapo damta ere so. Mannɛ men gbagba e naŋ kɔ kena ere. Ebɔrɛ e naŋ kɔ n sa menyi.

2 Kronikɛls 20:17

Mannɛ menyi e naŋ kɔ kena ere. Menyi ere e bela ase a yil. Menyeeŋ wu kananɛ Enyɛnpe Ebɔrɛ na beeŋ kɔ m pɔɔ so n sa menyi. Juda nɛ Jerusalɛmebi, men sa maa lɔ kufu. Men lar n yɔ kena na to, Enyɛnpe Ebɔrɛ beeŋ ba wɔ menyi kutɔ!”

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

2 Kronikɛls 24:20

Ndoŋ nna nɛ Ebɔrɛ be kiyoyu ba bɔrɛmatapo Jehowada pibinyɛn Zakareya so. Nɛ e yili kakpa nɛ basa na beeŋ wu mo ŋ kaŋɛ le: “Enyɛnpe Ebɔrɛ yɛ, manɛ nna nɛ men kini kebɛ mbe mbra so nsaa kil kasogberge a sa menyi be amu loŋ! Men ka kini mo na so nɛ mo alɛ gba kini menyi na.”

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 53:2

Ebɔrɛ wɔ esoso nna a keni kaseto a fin enyiashempo nɛ e bee fin mo ere Ebɔrɛ!

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Aizaaya 51:1

Enyɛnpe Ebɔrɛ na yɛ: “Nɛ menyee sha kebaawora kusɔ nɛ k niŋi nsaa wora Enyɛnpe Ebɔrɛ na kasonu, kumo ere men baa keni menyi nananyɛn Eebraham so a wora asheŋ. Mo e du fanɛ kefalta nɛ men shi kumo to n lar na.

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Eemɔs 5:14

Men baa kɔ a fin kelela be kewora nseŋ yige alubi be kebaa wora, saŋɛ na so menyeeŋ baa kɔ ŋkpa, nɛ Enyɛnpetale Ebɔrɛ na e baa wɔ menyi kutɔ fanɛ kananɛ men kaŋɛ na.

Nɔmbɛs 14:42

Enyɛnpe Ebɔrɛ na maŋ naa wɔ menyi kutɔ, amoso men sa maŋ yɔ nɛ men doŋana e ya pɔɔ menyi so.

Nɔmbɛs 14:43

Menyi nɛ Amalɛkebi nɛ Keenanebi na baŋ ya ka kɔ, Enyɛnpe Ebɔrɛ na beeŋ lar menyi kaman nɛ b pɔɔ menyi so m mɔ menyi ŋkpal men ka maŋ wora mo kasonu so.”

Matiu 13:9

Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu.”

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Ditɛronɔmi 4:29

Ashi menyi be etɔrɔ na kikɛ to, menyeeŋ ba chɛrga a sha kenaŋ n shuŋ Enyɛnpe Ebɔrɛ na nawule. Nɛ menyi alɛ kaŋ bɛta m ba mo kutɔ nseŋ wora mo kasonu kashenteŋto, e beeŋ naa la menyi be Ebɔrɛ.

Hibruwebi 10:38

Ama ma basa nɛ b maŋ kɔ alubi ashi ma, Ebɔrɛ be anishito na bre beeŋ baa kɔ yirda a wɔtɔ. Ama nɛ bumo be ekama baŋ laŋɛ kaman bre, amodoŋwura be asheŋ maaŋ par ma.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

Joshuwa 22:31

Ndoŋ nna nɛ bɔrɛmatapo Eliaza pibinyɛn Finihas kaŋɛ bumo le: “Naniere bre an pin fanɛ Enyɛnpe Ebɔrɛ na e chɛ anyi to nɛ an lɔŋɛ abar na. Ŋkpal manɛ so menyi maŋ kini kenu n sa mo, amoso nɛ men mɔlga Israɛlebi ashi Enyɛnpe na be kasogberge to na.”

Joshuwa 24:20

Men baŋ yige Enyɛnpe na nsaa shuŋ nnyamase na be agbir na bre, e beeŋ kilgi ŋ gberge menyi kusoe. Kashenteŋ nna fanɛ e daa wɔ menyi kutɔ ama e beeŋ mur menyi cheche.”

Kelaraŋŋini 2:11

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, luwu nyɔsopo na maaŋ doro mo kikɛ.’ ”

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”

Kelaraŋŋini 2:29

Amoso, ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 3:13

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 3:22

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 3:6

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”

Demujipoana 10:13

Ama men kraŋ yige ma nseŋ ya kaa shuŋ agbir. Ŋkpal loŋ so, m maaŋ naŋ mɔlga menyi.

Demujipoana 9:7

Jotam ka nu kumo be asheŋ nɛ e dii n yɔ kebee nɛ baa tre Gɛrizim na be awɔlto nseŋ ponte awɔrso ŋ kaŋɛ le: “Shɛkɛmebi, men nu n sa ma, saŋɛ na so nɛ Ebɔrɛ e nu n sa menyi!”

1 Samuɛl 12:14

Nɛ fanɛ menyi nɛ men be ewura bee bunyaŋ Enyɛnpe Ebɔrɛ nna nsaa shuŋ mo a nu a sa mo nsaa bɛ mbe mmalga naseso so bre, asheŋ beeŋ nyalɛ n sa menyi.

1 Samuɛl 12:15

Ama nɛ men baa maa nu a sa Enyɛnpe Ebɔrɛ na nsaa kplaŋ mbe mbra so bre, e beeŋ lara kenishi n yuu menyi nɛ men be ewura fanɛ kananɛ e daŋ wora men nananyɛnana na dra na.