2 Kronikɛls 15:13 - EBƆRƐ BE KAWƆL

¹³ B yɛ a daga b ka mɔ ekama nyam nna, kebia, ŋko enimu ŋko enyɛn ŋko eche nɛ e maa bunyaŋ Enyɛnpe Ebɔrɛ na nna.

2 Kronikɛls 15:13 ပူးပေါင်းရင်းမြစ်များ

Jɛnesis 19:11

Kumo be kaman nɛ b shin nɛ basa na kikɛ, mbrantiɛ nɛ benyɛnnimu, tan ashi kowu ndoŋ nsaa maŋ naŋ tiŋ n wu kukuloŋ na.

1 Bewura 18:40

Nɛ Elaija ponte ŋ kaŋɛ le: “Men pɛ Baal be agbirwuraana na. Men sa maŋ shin nɛ bumo be ekama e shile!” Nɛ basa na pɛ bumo kikɛ n yɔ Kishɔn be lɔr na to nɛ anebi Elaija shin nɛ b mɔ bumo kikɛ ndoŋ.

2 Kronikɛls 15:14

B daŋ bɔ ntaŋ Enyɛnpe Ebɔrɛ be ketre to awɔrso nna fanɛ baaŋ bɛ kɔnɔ naseso nɛ b nase na so kpakpa nsaa foŋ mbel a cha awɔr nsaa ji bumo be eyur.

Job be kawɔl 3:19

Basa nɛ b kɔ atre nɛ bebɔlpo kikɛ wɔ ndoŋ nna. Anya gba nya bumo be amu ndoŋ.

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 22:19

Enyɛn kama nɛ e tu kusɔbɔya n di keche nɛ kenyɛn, k daga fanɛ b mɔ mo.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.

Kelaraŋŋini 6:15

Ndoŋ nna nɛ kasawule so be bewurgboŋ nɛ bumo nɛ baa ji kuwura beko so nɛ esoji be benimu nɛ damawuraana nɛ belempo nɛ basa kikɛ, anya nɛ bumo nɛ b wɔ bumo be amu kikɛ ŋana abeelaŋana nɛ abee be afaltagboŋana to.