2 Kronikɛls 14:3 - EBƆRƐ BE KAWƆL

³ E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

2 Kronikɛls 14:3 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 23:14

Ewura Josaya daŋ bure agbir jembu na to nna kpachɛrkpachɛrbi nseŋ ku kegbirche Ashira be kapɔrduli na n lɛ nseŋ ta edimɛdi be awibi n fari kaboŋ nɛ a daa yili na be kaplɛkama.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 14:2

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna.

2 Kronikɛls 14:4

Kumo be kaman nɛ e kaŋɛ Juda be basa kenishipereso fanɛ b baa bɛ Enyɛnpe Ebɔrɛ nɛ e la bumo nananyɛnana be Ebɔrɛ na be keŋini nɛ mbe mbra so.

2 Kronikɛls 15:17

Kashenteŋ nna fanɛ ewura Asa daa maŋ tiŋ m mur agbirana kikɛ ashi Israɛl be kasawule so, ama mbe ŋkpa kikɛ to e daŋ ji kashenteŋ nna n sa Ebɔrɛ.

2 Kronikɛls 33:16

E daŋ naŋ lɔŋɛ bɔrɛsure nɛ baa lara kɔnɔkoŋwuleso nɛ kechɔrɔ be esarga kumo so na nna n sa Enyɛnpe Ebɔrɛ, nseŋ kaŋɛ Juda be basa kikɛ fanɛ b baa shuŋ Enyɛnpe nɛ Ebɔrɛ na.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.