2 Kronikɛls 14:15 - EBƆRƐ BE KAWƆL

¹⁵ B daŋ yɔ mbolpɔkpapoana be echenakpaana nɛ a mata nde na gba to nna n ya kɔ bumo kena nseŋ pɛ bumo be mbolpɔ nɛ mboe nɛ enyɔma damta. Ade kikɛ be kaman nɛ b bɛta n yɔ Jerusalɛm.

2 Kronikɛls 14:15 ပူးပေါင်းရင်းမြစ်များ

1 Kronikɛls 4:41

Saŋɛ so nɛ Hɛzekaya daa la Juda be ewura na, nɛ Simiɔn be kaman to ebi ko ya kɔ Hamebi nɛ Meuniebi kena n ju bumo n sɔ kasawule na n chena so ŋkpal asɔbɔya be ejikpa ka daa shibi ndoŋ ga so.

1 Kronikɛls 5:21

B ka daŋ kɔ Hagebi na kena na, b daŋ sɔ bumo enyɔma ŋgboŋ adunu nɛ mbolpɔ ŋgboŋ alfa anyɔ nɛ adunu nɛ ekurma ŋgboŋ anyɔ nseŋ pɛ basa ŋgboŋ kalfa kena na to n yɔ bumo be efuli so.

2 Kronikɛls 14:14

Kumo be kaman nɛ Asa be benapo na kɔ ndewurbi nɛ a kulti Gɛra na kena m pɔɔ amo kikɛ so ŋkpal Enyɛnpe Ebɔrɛ be kusɔ nɛ e wora na ka shin nɛ kufu pɛ bumo ga so. Ndoŋ nna nɛ Juda be benapo na muu bumo be asɔ lela kikɛ n yɔ.

2 Kronikɛls 15:1

Asheŋ ere ka wora n choŋ na, nɛ Ebɔrɛ be kiyoyu gbelge Odɛd pibinyɛn Azariya so,

Nɔmbɛs 31:9

Israɛlebi na daŋ pɛ Midianebi na be beche nɛ mbia nna n ta bumo be ana nɛ mbolpɔ nɛ bumo be asɔ kikɛ,

1 Samuɛl 30:20

Ama Amalɛk be basa na be mbolpɔ nɛ ana nɛ b kɔ na bre, e daŋ shin nna nɛ b barga amo n ya yili ŋ kɔr. Nɛ ekama malɛ shuli so fanɛ loŋ be asɔbɔya na e baa la Deevid peya.