2 Kronikɛls 14:14 - EBƆRƐ BE KAWƆL

¹⁴ Kumo be kaman nɛ Asa be benapo na kɔ ndewurbi nɛ a kulti Gɛra na kena m pɔɔ amo kikɛ so ŋkpal Enyɛnpe Ebɔrɛ be kusɔ nɛ e wora na ka shin nɛ kufu pɛ bumo ga so. Ndoŋ nna nɛ Juda be benapo na muu bumo be asɔ lela kikɛ n yɔ.

2 Kronikɛls 14:14 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

1 Bewura 15:23

B sibɛ Asa be kuwurji kikɛ be asheŋ nɛ nde nɛ e pɔr egbalana ŋ kulti na kikɛ n wɔtɔ Juda nɛ Israɛl be bewura be adrasheŋ be nwɔl to. Mbe mbel to nɛ kulɔ lubi ko pɛ mbe aya nɛ e ki bobi.

2 Bewura 7:16

Ndoŋ nna nɛ Samɛriaebi na shile n yaa muu Siriyaebi na be asɔ ashi bumo be keeyi to. Nɛ kusɔ nɛ Enyɛnpe Ebɔrɛ kaŋɛ na fanɛ, baaŋ baa fa ayu lela kurwa asa asa nɛ ayu peper kurwa ashe ashe gbiti be kadɛrbi koŋwule na bɔlɔ so.

2 Kronikɛls 14:15

B daŋ yɔ mbolpɔkpapoana be echenakpaana nɛ a mata nde na gba to nna n ya kɔ bumo kena nseŋ pɛ bumo be mbolpɔ nɛ mboe nɛ enyɔma damta. Ade kikɛ be kaman nɛ b bɛta n yɔ Jerusalɛm.

2 Kronikɛls 17:10

Enyɛnpe daŋ shin nɛ kufu pɛ efuli nɛ a kulti Juda na nna nɛ b maŋ tiŋ ŋ kɔ Ewura Jehoshafat kena.

2 Kronikɛls 20:25

Ndoŋ nna nɛ ewura Jehoshafat nɛ mbe benapo ya muu bumo be asɔ damta nseŋ ta ana damta nɛ ajibi nɛ epiŋi nɛ asɔ damta n ti so. Nchɛ asa nɛ b daŋ ta a muu asɔ na ama amo nɛ amo kikɛ b daa maŋ tiŋ m muu amo n loge.

2 Kronikɛls 20:29

Ndoŋ nna nɛ kufu pɛ efuli kama nɛ k nu kananɛ Enyɛnpe Ebɔrɛ kɔ m pɔɔ Israɛlebi bumo doŋana so na ga.

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Nshɛ 68:12

Bewura, nɛ bumo be benapo kilgi n shile, nɛ b chige asɔ nɛ b shile ŋ ka na to n sa abar.

Aizaaya 31:9

Bumo be ewurgboŋ beeŋ lara keya n shile ŋkpal kufu so nɛ kufugboŋ e tɔr bumo be benapo be benimuana na so nɛ b shile ŋ ka bumo be kena to be etuuta n lɛ kaman.” Kusɔ nɛ Enyɛnpe Ebɔrɛ nɛ baa shuŋ mo Jerusalɛm to nɛ mbe edɛ bee chɔɔ esarga ndoŋ na kaŋɛ nna na.

Aizaaya 33:23

Ama asɔ nɛ efuli pɔtɛana ta n chɛ bumo be nchu so be ekuloŋgboŋ so na maŋ chɛ nɛnɛ a kɔ eleŋ; Ewajɛ nɛ b ta n chɛ ekuloŋgboŋ na so nɛ afu e baa ber amo a nite nchu so na maŋ parga to. Anyeeŋ suge bedoŋ be benapo be asɔ damta, hale nɛ ebobi gba e nya asɔ n sɔ bumo kutɔ.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.