2 Kronikɛls 14:11 - EBƆRƐ BE KAWƆL

¹¹ Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 14:11 ပူးပေါင်းရင်းမြစ်များ

1 Bewura 8:44

Fo kaŋ kaŋɛ fo basa kenishipereso fanɛ b ya kɔ bumo doŋana kena nɛ b yili kaplɛkama ŋ kilgi bumo be anishito n shoŋi kade nɛ fo lara ere nɛ bɔrɛlambu nɛ m pɔr n sa fo ere ŋ kule fo,

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

2 Kronikɛls 13:14

Judaebi na ka keni n wu fanɛ b kulti bumo n wɔtɔ na, nɛ b shu n tre Ebɔrɛ fanɛ e chɛ bumo to. Ndoŋ nna nɛ bɔrɛmatapoana na foŋ bumo be mbel

2 Kronikɛls 13:15

nɛ Judaebi na cha kena to be awɔr ga. Kede be kaman nɛ ewura Abija juŋkpar bumo n ya kɔ kena na nɛ Ebɔrɛ chɛ bumo to nɛ b pɔɔ Jeroboam nɛ Israɛlebi be benapo na so m mɔ bumo.

2 Kronikɛls 13:18

Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

2 Kronikɛls 14:10

Nɛ ewura Asa nɛ mbe benapo lar n ya yili ŋ karga abar so n wora shiriya nɛ b tu mo ŋ kɔ kena ashi Zefata be ketaŋɛ nɛ k mata Marɛsha na ase.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 18:31

Amoso b ka wu Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

2 Kronikɛls 25:8

Menyee fɛ nna fanɛ bumo e naŋ shin nɛ men baa kɔ eleŋ, ama Ebɔrɛ na e naa shin nɛ basa bee kɔ a pɔɔ so. Nɛ men shin nɛ b bɛ menyi so e beeŋ shin nɛ men doŋana e kɔ m pɔɔ menyi so.”

2 Kronikɛls 26:7

Ebɔrɛ e daŋ chɛ mo to nɛ e kɔ m pɔɔ Filistiebi nɛ Nlɔrbu nɛ b daa wɔ Gurbaal na nɛ Meuniebi nɛ b shi Edɔm be efuli so na kikɛ so.

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 22:5

B shu n tre fo, nɛ fo lara bumo ashi tɔrɔ to. B yirda fo, nɛ fo alɛ maŋ shin nɛ b ji anishinyɔr.

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 37:5

Shin nɛ Enyɛnpe Ebɔrɛ na e baa juŋkpar fo kusɔ kama to. Yirda fanɛ e beeŋ chɛ fo to.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 9:19

Enyɛnpe Ebɔrɛ, maŋ kumu so, sa maŋ shin nɛ dimɛdi e kini kebaanu a sa fo. Shin nɛ efuli pɔtɛana kikɛ so ebi e yili fo anishito nɛ fo ji bumo demu.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 10:20

Jemanɛ ko bee ba nɛ Israɛl nɛ Juda be basa nɛ baaŋ ji efute na maaŋ naŋ ta bumo be amu n deŋi efuli nɛ k daŋ ka gbrɛ nɛ k mur na so. Baaŋ ta bumo be amu n deŋi Enyɛnpe, Israɛl be Ebɔrɛ cheembi na so nna.

Aizaaya 2:22

Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Aizaaya 26:13

Beko gba daŋ ji kuwura anyi so n ti fo, Enyɛnpe anyi be Ebɔrɛ na so, ama fo nawule nɛ anyee wora kasonu.

Levitikɔs 26:8

Menyi to be basa anu beeŋ kɔ m pɔɔ basa kalfa so, nɛ basa kalfa e kɔ m pɔɔ basa ŋgboŋ kudu so.

Eemɔs 5:9

Mo e naa mur benapo lempo nɛ nde nɛ b pɔr egbal ŋ kulti na kikɛ.

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Ashuŋ Shunso 2:21

Saŋɛ na so ekama nɛ e tre Enyɛnpe na beeŋ nya kumɔlga.’

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 32:27

Ama m maaŋ tiŋ n shin nɛ men doŋana e puchi fanɛ b tiŋ m pɔɔ ma basa so, saŋɛ nɛ k la fanɛ ŋ gbagba e pɔɔ bumo so.’

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Demujipoana 7:7

Kumo be kaman nɛ Enyɛnpe Ebɔrɛ na kaŋɛ Gidiɔn: “Basa alfa asa nɛ b ta bumo be enɔana a jɔ nchu na a nuu na nɛ meeŋ bɔla so m mɔlga menyi nseŋ shin nɛ men pɔɔ Midianebi na so. Shin nɛ basa nɛ b ka na kikɛ e bɛta a yɔ pe.”

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:47

Ekama malɛ nfe beeŋ pin fanɛ mannɛ etokobi ŋko akpa nɛ Enyɛnpe Ebɔrɛ na bee ta a kɔ a mɔlga mbe basa. E la ekɔmpɔɔsopo kena kikɛ to nna. Mo alɛ beeŋ chɛ anyi to nɛ an kɔ m pɔɔ menyi so.”

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.