2 Kronikɛls 13:9 - EBƆRƐ BE KAWƆL

⁹ Fo ju Enyɛnpe Ebɔrɛ be bɔrɛmatapoana nɛ b la Ɛɛrɔn be kaman to ebi na nseŋ ju Livaiebi na gba. Fo lara basa pɔtɛ ko nna nɛ b sɔ bumo be kabɔrɛmata be kushuŋ be eyilikpa fanɛ kananɛ efuli pɔtɛ ko be basa bee wora na. Ekama malɛ nɛ e baŋ ta gbolu ŋko mbolpɔ ashunu m ba, fo shin nɛ e bee ki menyi be agbirana nɛ a maŋ la shɛŋ na be kegbirwura nna.

2 Kronikɛls 13:9 ပူးပေါင်းရင်းမြစ်များ

1 Bewura 13:33

Ade kikɛ be kaman ewura Jeroboam maŋ yige alubi be kewora. E daa wɔtɔ nna a lara basa nɛ b maŋ shi Livai be kanaŋ to a ki bɔrɛmatapoana nɛ b baa shuŋ agbirlambu nɛ e pɔr na to. E daa ta esa kama nɛ e bee sha kabɔrɛmata be kushuŋ nna a ki bɔrɛmatapo.

2 Bewura 19:18

nseŋ naŋ chɔɔ efuliana na be agbir fuloŋ nɛ b ta ndibi nɛ ajembu n lɔŋɛ a shuŋ na.

1 Kronikɛls 29:5

nseŋ ta ako malɛ n sa basa nɛ b kɔ enɔ to be kushuŋ be kenyi nɛ b lɔŋɛ asɔ warabi. Naniere, wanɛ e naŋ bugi kagbene n sa kusɔ ko nɛ b ta m pɔr Enyɛnpe Ebɔrɛ be bɔrɛlambu na?”

2 Kronikɛls 13:10

“Ama anyi ere kraa shuŋ Enyɛnpe nɛ e la anyi be Ebɔrɛ na nna. Anyi alɛ maaŋ kini mo kikɛ. Ɛɛrɔn be kaman to ebi e kraa shuŋ kabɔrɛmata be kushuŋ na nɛ Livaiebi na malɛ bee chɛ bumo to.

2 Kronikɛls 29:31

Ndoŋ nna nɛ ewura Hɛzekaya kaŋɛ basa na le: “Naniere bre men ka nyalɛ so daŋkare be ekpa so ere, men ta men be kabɔrɛchɔrɔ be esarga m ba sa Enyɛnpe Ebɔrɛ.” Nɛ basa na wora loŋ, nɛ bumo be beko malɛ bar asɔbɔya m ba lara sarga chɔɔso bumo be keparso nɛ esa kama maŋ bishi bumo.

Ɛksodɔs 29:1

Men kaa shin nɛ men ta Ɛɛrɔn nɛ mbe bibinyɛn na m bɔɔ ma enɔ fanɛ bɔrɛmatapoana, men ta gbolu fɔlbi koŋwule nɛ ekpakpa anyɔ nɛ a maŋ kɔ ndulgi kikɛ.

Ɛksodɔs 29:29

Nɛ Ɛɛrɔn baŋ wu, mbe mbinyɛnbi na be eko e naŋ ta mbe kabɔrɛmata be piŋi na.

Ɛksodɔs 29:35

Ta nchɛnshunu dede n wora Ɛɛrɔn nɛ mbe bibinyɛn be keta m bɔɔ Ebɔrɛ enɔ be kasheŋwora na fanɛ kananɛ ŋ kaŋɛ fo na gbagba chap.

Ɛksodɔs 32:29

Kumo be kaman nɛ Mosis kaŋɛ Livaiebi na: “Kabre men lara men be amu n sa Enyɛnpe Ebɔrɛ na nna. Ŋkpal men ka tiŋ m mɔ men be mbinyɛnbi nɛ men daana nɛ men sipoana so, Enyɛnpe Ebɔrɛ na nɛfa menyi kabre.”

Jɛremaya 2:11

Efuli kikɛ so be basa maŋ naŋ chɛrga bumo be agbirana. Bumo be agbirana na maŋ la Ebɔrɛ kashenteŋto gba. Ama ma ere be basa ta ma, Enyɛnpe Ebɔrɛ nɛ m bar bumo kemaŋkura na n chɛr agbirana nɛ a maaŋ tiŋ n wora shɛŋ n sa bumo.

Jɛremaya 5:7

Kumo be kaman nɛ Enyɛnpe Ebɔrɛ bishi le: Manɛ so nɛ meeŋ ta ma basa be alubi m paŋ bumo? B kplaŋ ma so nseŋ lar ma kaman n ya kaa shuŋ agbirana nɛ e maŋ la Ebɔrɛ na. N sa ma basa kusɔ kama kanaŋkamaso nɛ baa sha, ama b kraŋ yige ma nseŋ lar bumo be beche be mman n ya kaa wɔ esakaleche kutɔ.

Hoziya 8:6

Israɛl be esa nɛ e nyi enɔ to be kushuŋ e daŋ lɔŋɛ kegbir na, ama kumo alɛ maŋ la ma Enyɛnpe Ebɔrɛ na! Amoso k beeŋ buri to le kpachɛrkpachɛrbi.

Levitikɔs 16:32

Nɛ Bɔrɛmatapo Nimuso baŋ wu, bɔrɛmatapo kama nɛ e beeŋ sɔ mo so na e naŋ baa wora le be kenyalɛso be kesheŋ wora ere. E beeŋ ta mbe kabɔrɛmata be asɔbuuso nna m buu pɔɛŋ

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Ashuŋ Shunso 19:26

Menyi alɛ gba bee wu nseŋ naa nu kusɔ nɛ kanyɛn nɛ baa tre Pɔɔl na wɔtɔ a wora. E wɔtɔ nna a kaŋɛ basa fanɛ agbirana nɛ baa lɔŋɛ na maŋ la ebɔrɛana kikɛ. Mo alɛ tiŋ n shin nɛ basa damta ashi Ɛfeses nfe nɛ Eeshia be kasawule ere so be basa damta shuli fanɛ mbe kamalga na la kashenteŋ nna.

Galeeshaebi 4:8

Saŋɛ na men daa maŋ nyi Ebɔrɛ, amoso, men daa la ayoyuana nɛ basa bee fɛ fanɛ a la Ebɔrɛ nɛ amo alɛ maŋ la na be anya nna.

Ditɛronɔmi 32:17

B daŋ lara esarga nna n sa agbirana nɛ a maŋ la Ebɔrɛ, agbir popɔr nɛ bumo nananyɛnana daa maŋ nyi, agbirana nɛ Israɛl daa maŋ naŋ wora kasonu ŋ ku so.