2 Kronikɛls 13:18 - EBƆRƐ BE KAWƆL

¹⁸ Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

2 Kronikɛls 13:18 ပူးပေါင်းရင်းမြစ်များ

2 Bewura 18:5

Hɛzekaya daŋ yirda Enyɛnpe Israɛl be Ebɔrɛ na nna. Juda be bewura nɛ b ji pɔɛŋ nɛ Hɛzekaya ji na nɛ bekama nɛ Hɛzekaya malɛ ji pɔɛŋ nɛ b ji na be ekama be kuwurji maŋ fo ewura Hɛzekaya peya so.

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 13:17

Ewura Abija nɛ mbe benapo daŋ kɔ m pɔɔ Israɛlebi na so nna nseŋ mɔ bumo be benapo ŋgboŋ alfa anu kikɛ.

2 Kronikɛls 13:19

Ewura Abija daŋ ju m buu Jeroboam be benapo na so nna hale n ya sɔ bumo be nde ko ana. Nde na e la Bɛtɛl nɛ Jeshana nɛ Efrɔn nɛ ndewurbi nɛ a kulti amo na kikɛ.

2 Kronikɛls 14:10

Nɛ ewura Asa nɛ mbe benapo lar n ya yili ŋ karga abar so n wora shiriya nɛ b tu mo ŋ kɔ kena ashi Zefata be ketaŋɛ nɛ k mata Marɛsha na ase.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nshɛ 146:5

Enyɛnpe Ebɔrɛ nɛ e la an nananyɛn Jeekɔb be Ebɔrɛ na bee nɛfa ekama nɛ e yirda mo nseŋ ta mbe kumu n to mo so na nna.

Nshɛ 25:2

Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.