2 Kronikɛls 13:15 - EBƆRƐ BE KAWƆL

¹⁵ nɛ Judaebi na cha kena to be awɔr ga. Kede be kaman nɛ ewura Abija juŋkpar bumo n ya kɔ kena na nɛ Ebɔrɛ chɛ bumo to nɛ b pɔɔ Jeroboam nɛ Israɛlebi be benapo na so m mɔ bumo.

2 Kronikɛls 13:15 ပူးပေါင်းရင်းမြစ်များ

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 14:12

Enyɛnpe Ebɔrɛ daŋ chɛ Asa nɛ mbe benapo to nna nɛ b kɔ m pɔɔ Itiopiaebi na so nɛ bumo be benapo kikɛ shile,

2 Kronikɛls 18:31

Amoso b ka wu Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

2 Kronikɛls 20:22

B ka baŋ fara a boŋ nshɛ na, nɛ Enyɛnpe Ebɔrɛ shin nɛ keyeŋiyeŋi tɔr bedoŋ be benapo na so nɛ b wulto epul to.

Nshɛ 47:1

Menyi efuliana na be basa kikɛ e kpla enɔ, nseŋ ponte kagbenefuliso n di Ebɔrɛ epaŋ.

Nshɛ 47:5

Kagbenefuli be awɔr be kecha, nɛ mbel be kefoŋ be awɔr to nɛ Ebɔrɛ bɔla so n dii n yɔ mbe kuwurputi so ashi bɔrɛlambu na to.

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 6:16

B ka bee kulti kela shunusopo na, nɛ bɔrɛmatapoana na foŋ bumo mbel na n chɛr nɛ Joshuwa ponte ŋ kaŋɛ basa na le: “Men cha awɔr, ŋkpal manɛ so Enyɛnpe Ebɔrɛ na ta kade ere nna m bɔɔ menyi enɔ.

Joshuwa 6:20

Ndoŋ nna nɛ bɔrɛmatapoana na foŋ bumo be mbel na nɛ basa nu nseŋ cha awɔr nɛ egbal na kikɛ tɔr. Epul na to nɛ benapo na luri kade na to n sɔ kumo to kikɛ,

Demujipoana 4:15

Barak nɛ mbe benapo ka ya tu Sisɛra nɛ mbe benapo e kɔ nɛ Enyɛnpe Ebɔrɛ na shin nɛ keyeŋiyeŋi tɔr Sisɛra nɛ mbe benapo so. Ndoŋ nna nɛ Sisɛra tɛ mbe gbaŋɛturko so ŋ gbelge nseŋ lara keya fuful a shile.