2 Kronikɛls 13:14 - EBƆRƐ BE KAWƆL

¹⁴ Judaebi na ka keni n wu fanɛ b kulti bumo n wɔtɔ na, nɛ b shu n tre Ebɔrɛ fanɛ e chɛ bumo to. Ndoŋ nna nɛ bɔrɛmatapoana na foŋ bumo be mbel

2 Kronikɛls 13:14 ပူးပေါင်းရင်းမြစ်များ

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 18:31

Amoso b ka wu Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:5

Fo maaŋ naa ŋana kanyɛso be asɔ nɛ a bee keta kufu ŋko kapaso be kelantokɔ kikɛ,

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Nɔmbɛs 10:9

Nɛ men doŋana kaŋ baa kaa kɔ menyi kena men gbagba be kasawule so nɛ men foŋ mbel na, ma Enyɛnpe Ebɔrɛ na beeŋ nu nseŋ ba mɔlga menyi.

Joshuwa 6:16

B ka bee kulti kela shunusopo na, nɛ bɔrɛmatapoana na foŋ bumo mbel na n chɛr nɛ Joshuwa ponte ŋ kaŋɛ basa na le: “Men cha awɔr, ŋkpal manɛ so Enyɛnpe Ebɔrɛ na ta kade ere nna m bɔɔ menyi enɔ.

Joshuwa 8:20

Ai be benyɛn na ka gbɛ ŋ keni nɛ bumo be kade kikɛ bee suse edɛ nɛ edishi bee dii a yɔ awɔlpa to. Nɛ b wora cham a maŋ naa nyi kakpa nɛ baaŋ naŋ bɔla ŋ ŋana, ŋkpal manɛ so saŋɛ na so nɛ Israɛlebi nɛ b daŋ ju a yɔ keshishɛrsawule so na malɛ kilgi nɛ b kɔ bumo.