2 Kronikɛls 13:12 - EBƆRƐ BE KAWƆL

¹² Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

2 Kronikɛls 13:12 ပူးပေါင်းရင်းမြစ်များ

2 Kronikɛls 24:20

Ndoŋ nna nɛ Ebɔrɛ be kiyoyu ba bɔrɛmatapo Jehowada pibinyɛn Zakareya so. Nɛ e yili kakpa nɛ basa na beeŋ wu mo ŋ kaŋɛ le: “Enyɛnpe Ebɔrɛ yɛ, manɛ nna nɛ men kini kebɛ mbe mbra so nsaa kil kasogberge a sa menyi be amu loŋ! Men ka kini mo na so nɛ mo alɛ gba kini menyi na.”

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Job be kawɔl 40:9

Fo eleŋ fo ma eleŋ so a? Fo ebɔl beeŋ tiŋ m ponte to fanɛ meya a?

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Aizaaya 45:9

Israɛl, fo maŋ kɔ ekpa nɛ fo tu fo etopo n ji emɔrɔ. Fo du fanɛ kapuliya nɛ mpuliya pɔrpo ta ebɔ m pɔr nna. Ebɔ na maa bishi epɔrpo na le: ‘Manɛ nɛ fee wora?’ Kapuliya na malɛ gba maa bile asheŋ a kaŋɛ fanɛ epɔrpo na maŋ nyi mbe kushuŋ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 50:24

Babilɔn be efuli so be basa na daŋ to ma emaŋ nna a kɔ ma. Naniere kejigbelɛ nɛ n fe menyi na pɛ menyi nɛ menyi maŋ nyi gba.

Ezikɛl 17:9

Naniere, Ezikɛl, kaŋɛ ma, fo tama fanɛ kefeelebi ere beeŋ pete a? Kajɔnɔkoso juŋkparso na maaŋ nya agbo n tia kumo nseŋ kuya kumo be ayabi to n lɛ nɛ a wɔl a? Kajɔnɔkoso na beeŋ tiŋ n tia kefeelebi na nɛ k maŋ fin benapo lempo damta be kechɛto gba.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Nɔmbɛs 14:41

Nɛ Mosis kaŋɛ bumo le: “Manɛ nna nɛ menyi maŋ kɔ kasonu n sa Enyɛnpe Ebɔrɛ na? Men baa nyi fanɛ men be ŋkre ere maaŋ tiŋ n shuŋ!

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Nɔmbɛs 31:6

Nɛ Mosis shin nɛ Eliaza pibinyɛn Finihas ta Enyɛnpe be wajɛbu na to be asɔ cheembi nɛ mbel nɛ baaŋ ba ta a tre abar n tu bumo n yɔ kena na to.

Ashuŋ Shunso 5:39

Ama nɛ kashenteŋ nɛ k shi Ebɔrɛ kutɔ, men maaŋ tiŋ m pɔɔ bumo so kikɛ. Nɛ menyi alɛ gbagba maŋ de so, menyeeŋ baa wora a da Ebɔrɛ so.”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 20:4

Menyi nɛ Enyɛnpe menyi be Ebɔrɛ na e naa yɔ kena na to; mo alɛ beeŋ shin nɛ men kɔ m pɔɔ so.

Ditɛronɔmi 28:29

E beeŋ shin nɛ men baa nite a laa a laa kapiidi fanɛ etanpo na a maa wu ekpa a nite. Ade kikɛ be kaman, kusɔ kama nɛ menyeeŋ baa wora maaŋ nyalɛ n sa menyi. Basa pɔtɛ beeŋ ba kaa mɛaŋ menyi nsaa yuri menyi be asɔ nɛ esa kikɛ maaŋ baa wɔtɔ nɛ e chɛ menyi to.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.