2 Kronikɛls 12:3 - EBƆRƐ BE KAWƆL

³ Benapo nɛ baa ta egbaŋɛturko a kɔ kena na be basa kagboŋ nɛ alfa anyɔ nɛ egbaŋɛdiipoana malɛ ŋgboŋ adeshe nɛ benapo damta nɛ esa maaŋ tiŋ ŋ karga nɛ b shi Libiya nɛ Sukkit nɛ Itiopia nɛ ewura na daŋ ta n ya kɔ kena na.

2 Kronikɛls 12:3 ပူးပေါင်းရင်းမြစ်များ

2 Samuɛl 10:18

nɛ Israɛlebi na ju m buu Siriyaebi be benapo na so. Ndoŋ nna nɛ Deevid nɛ mbe basa mɔ Siriyaebi na be egbaŋɛturko be bediipo be basa alfa ashunu nɛ egbaŋɛ diipo malɛ be basa ŋgboŋ adena. B daŋ doro Shobak nɛ e la bumo doŋana be benapo be enimu na nna, hale nɛ e wu kena na to.

2 Kronikɛls 14:12

Enyɛnpe Ebɔrɛ daŋ chɛ Asa nɛ mbe benapo to nna nɛ b kɔ m pɔɔ Itiopiaebi na so nɛ bumo be benapo kikɛ shile,

2 Kronikɛls 14:8

Ewura Asa be benapo nɛ b shi Juda n daa kɔ abɛlso be asɔkuŋso nɛ ekpa na daa wɔ basa ŋgboŋ alfa asa nɛ bumo nɛ bumo alɛ daa shi Bɛnjamin nsaa kɔ abɛlso be asɔkuŋso wurbi nɛ ata na daa wɔ basa ŋgboŋ alfa anyɔ nɛ aduburwa. Bumo kikɛ daa kɔ kenyɛn ga nsaa nyi kena be kekɔ nɛnɛ.

2 Kronikɛls 14:9

Zɛra nɛ e shi Itiopia be efuli so na e daŋ juŋkpar benapo damta nɛ b maŋ kɔ kekarga na nɛ egbaŋɛturko nɛ b kɔ a kɔ kena be benapo alfa asa n ya kɔ Juda hale ŋ kɔ n ya lar kade nɛ baa tre Marɛsha na kikɛ.

2 Kronikɛls 16:8

Etopiya be efuli so ebi nɛ Libiya be efuli so ebi kɔ benapo damta nɛ egbaŋɛturko nɛ egbaŋɛdiipo damta. Ama ŋkpal fo ka ta fo yirda n deŋi Enyɛnpe Ebɔrɛ so so nɛ e shin nɛ fo kɔ m pɔɔ bumo so na.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Ezikɛl 30:5

Benapo nɛ b ya haya ashi Itiopia nɛ Libiya nɛ Lidiya n Areebia nɛ Kub be efuliana so na nɛ ma basa gbagba to be basa damta beeŋ wu kena na to.”

Danɛl 11:43

E beeŋ suge Ijipt be kasawule so be shuwa nɛ gbiti nɛ kumo be asɔ lela kikɛ n yɔ. Mo alɛ beeŋ kɔ m pɔɔ Libiya nɛ Itiopia be efuliana gba kikɛ so.

Nahum 3:9

Itiopia nɛ Ijipt be efuliana be eleŋ nɛ kade na daa fute a yige so. Libiya nɛ kasawule nɛ baa tre Put na e daa la kumo teriana nɛ a chɛ kumo to.

Kelaraŋŋini 9:16

Benapo mo nɛ b daa maa na aya so daa wɔ basa ŋgboŋ to be ŋgboŋ alfa anyɔ. N daŋ nu kananɛ b sa na.

Demujipoana 4:13

nɛ e yili Haroshɛt Hagoyim ŋ gama mbe abɛlso be egbaŋɛturko alfa akpanu na kikɛ nɛ mbe benapo kikɛ nseŋ juŋkpar bumo m ba choŋ lɔr nɛ baa tre Kishɔn na ase.

Demujipoana 6:5

Bumo be asɔbɔya nɛ ewajɛbu kikɛ nɛ b kɔ a ba. Bumo be keba du fanɛ elotɔr ka kaa nna a ba. K du kpakpa nɛ esa e tiŋ ŋ karga bumo m pin kananɛ bumo nɛ bumo be enyɔma sa. Baa ba nna m ba ka jija kasawule na,

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.