2 Kronikɛls 12:13 - EBƆRƐ BE KAWƆL

¹³ Ewura Rehoboam daŋ ji kuwura ashi Jerusalɛm nna nɛ mbe kuwura malɛ ji eleŋ ga. E daa la nfɛ adena nɛ kako nna pɔɛŋ nseŋ ji kuwura nfɛ kuduashunu ashi Jerusalɛm nɛ Enyɛnpe Ebɔrɛ lara ashi Israɛl be efuli so kikɛ fanɛ b baa bunyaŋ mo ndoŋ na. Ewura Rehoboam mo nio e daa la Naama nɛ e shi Ammɔn be efuli so na.

2 Kronikɛls 12:13 ပူးပေါင်းရင်းမြစ်များ

1 Bewura 11:1

Ijipt be efuli so be ewura pibiche na be kaman ewura Sɔlɔmɔn daŋ ta efuli pɔtɛana fanɛ Hiti nɛ Mowab nɛ Ammɔn nɛ Edɔm nɛ Sidɔn be beche damta nna n ti so.

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Bewura 14:21

Ewura Sɔlɔmɔn pibinyɛn Rehoboam daŋ ji nfɛ adena nɛ kako nna pɔɛŋ nseŋ ki Juda be ewura. Mo alɛ daŋ ji kuwura Jerusalɛm nɛ k la kade nɛ Enyɛnpe Ebɔrɛ lara ashi Israɛl be kasawule so kikɛ fanɛ b baa bunyaŋ mo na to nfɛ kuduashunu nna. Rehoboam mo nio e daa la Namaa nɛ e shi Ammɔn be efuli so na.

2 Kronikɛls 12:1

Rehoboam be kuwura ka baŋ yili nɛnɛ, nɛ mo nɛ mbe basa kini kebaabɛ Enyɛnpe Ebɔrɛ be mbra so.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

2 Kronikɛls 6:5

yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma ndoŋ, ma alɛ maŋ lara esa kama fanɛ e baa juŋkpar ma basa Israɛlebi.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Nehemaya 13:1

Kachɛ nɛ b kraŋ Mosis be mbra na awɔrso n sa ekama na nɛ kelar efuli fanɛ Ammɔnebi nɛ Mowabebi maŋ daga fanɛ b ti Ebɔrɛ be basa so.

Nehemaya 13:26

Ebɔrɛ daŋ sha Israɛl be ewura Sɔlɔmɔn ga nseŋ daŋ shin nɛ durnya to kikɛ be ewura kikɛ maŋ fo mo so, ama beche pɔtɛ nɛ e ta na daŋ shin nɛ e shuŋ agbir nseŋ tɔr kulubi to nna.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 23:3

Ammɔn ŋko Mowab be basa ŋko bumo be kamanebi n ya fo bumo be kenana kudusopo kikɛ maŋ ti Enyɛnpe Ebɔrɛ na be basa so.