2 Kronikɛls 11:18 - EBƆRƐ BE KAWƆL

¹⁸ Ewura Rehoboam e daŋ ta Mahalaf nɛ mo tuto daa la Jerimɔf nɛ e la ewura Deevid pibinyɛn na. Mo nio e daa la Eliab pibiche Abiheel nɛ e la Jɛsi nɛ e la ewura Deevid mo tuto na mo nanabi na.

2 Kronikɛls 11:18 ပူးပေါင်းရင်းမြစ်များ

1 Kronikɛls 2:13

Jɛsi be mbinyɛnsobi daa wɔ beshunu. Kananɛ b bɛ abar so kenimu kenimuso nde. Eliab e la mo pibinyɛn nimuso n ta Abinadab nɛ Shamaa

2 Kronikɛls 11:19

Ewura Rehoboam nɛ Mahalaf daa kɔ mbinyɛnsobi asa nna: Bumo e la, Jewush nɛ Shemariya nɛ Zaham.

1 Samuɛl 16:6

B ka fo ndoŋ na, nɛ Samuɛl wu Jɛsi pibinyɛn Eliab nseŋ fɛ mbe kagbene to le: “Kashenteŋto kanyɛn ere e la Enyɛnpe Ebɔrɛ be esa laraso na.”

1 Samuɛl 17:13

Jɛsi be mbia nimuso asa na nɛ Sɔɔl e daŋ yɔ kena to. Eliab e daa la bumo kikɛ to be enimu nɛ Aminadab bɛ so n ta Shamaa m bɛ so.

1 Samuɛl 17:28

Deevid mo da Eliab ka nu Deevid nɛ benapo na ka bee malga, nɛ agbo pɛ Eliab ga nɛ e kaŋɛ le: “Manɛ nɛ fee fin nfe? Wanɛ nɛ fo yige fo mbolpɔ kiyi na to n sa fanɛ e ba keni so? Fo kebia kpeŋso ere! Fo ba nfe nna nɛ fo baa keni kananɛ baa kɔ kena, ŋko?”