2 Kronikɛls 11:16 - EBƆRƐ BE KAWƆL

¹⁶ Ndoŋ nna nɛ Israɛl be eyiriana na to be basa nɛ b daa sha kebaashuŋ Enyɛnpe Ebɔrɛ kashenteŋto na bɛ bɔrɛmatapoana na nɛ Livaiebi na so n yɔ Jerusalɛm, saŋɛ na so baaŋ tiŋ a lara esarga a sa Enyɛnpe Ebɔrɛ nɛ e la bumo nananyɛnana be Ebɔrɛ na.

2 Kronikɛls 11:16 ပူးပေါင်းရင်းမြစ်များ

1 Kronikɛls 16:29

Enyɛnpe be ketre daga bunyaŋ, amoso men shin nɛ an maŋkura mo. Men ta men be sarga m ba mbe lambu to. Enyɛnpe cheembi na kaŋ lar a ba, a daga fanɛ men bunyaŋ mo.

1 Kronikɛls 22:1

Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

2 Kronikɛls 11:17

Ŋkpal loŋ so Juda be kuwurji na daŋ ji eleŋ ga nɛ b chɛ Sɔlɔmɔn Pibinyɛn Rehoboam to nfɛ asa, nɛ bumo nɛ mo chena fanɛ kananɛ bumo nɛ ewura Deevid nɛ ewura Sɔlɔmɔn daa wɔtɔ na.

2 Kronikɛls 15:12

B daŋ nase nnɔ nna n sa abar a laŋɛ kananɛ baaŋ ta bumo be ŋgbene nɛ ayoyu kikɛ a bunyaŋ bumo nananyɛnana be Ebɔrɛ na.

2 Kronikɛls 15:15

Juda be basa kikɛ be ŋgbene daŋ fuli bumo nna ŋkpal b ka ta bumo be ŋgbene kikɛ n nase nnɔ n sa abar na so. Saŋkama nɛ baa bunyaŋ Ebɔrɛ, bumo be ŋgbene daa fuli bumo nna ŋkpal e ka daŋ sɔ bumo nseŋ sa bumo kagbenewushi ashi kusɔ kama to so.

2 Kronikɛls 15:9

Basa damta nɛ b shi Efrayim nɛ Manase nɛ Simiɔn be kasawule so daŋ ba ka wɔ ewura Asa be kasawule so nna ŋkpal b ka wu Enyɛnpe Ebɔrɛ na ka wɔ mo kutɔ so. Ewura Asa daŋ tre bumo nɛ Juda nɛ Bɛnjamin be basa kikɛ nna m ba abar so.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

2 Kronikɛls 20:4

Amoso Juda be efuli so be basa daŋ ba shɛr Jerusalɛm nna nɛ b fin kechɛto ashi Enyɛnpe Ebɔrɛ kutɔ.

2 Kronikɛls 30:11

Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

Job be kawɔl 34:14

Nɛ Ebɔrɛ baŋ sɔ efute nɛ k sa anyi ŋkpa ere

Nshɛ 108:1

O Ebɔrɛ, ma kagbene kikɛ nɛ ŋ kɔ a ji kashenteŋ a sa fo. Meeŋ boŋ nshɛ nseŋ ta ma kagbene kikɛ ŋ kpaŋ fo.

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Ɛksodɔs 9:21

Ama bekama nɛ b daŋ kplaŋ Enyɛnpe Ebɔrɛ be kamalga na so na bre daŋ shin nna nɛ bumo be anya nɛ asɔbɔya na a kilgi to.

Danɛl 6:14

Ewura na ka nu kumo be loŋ na nɛ mbe kagbene jija mo ga nɛ e wɔtɔ a fin kananɛ e beeŋ wora m mɔlga Danɛl. E daa fɛ kumo be nfɛra nna hale nɛ epeŋi ya tɔr.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Heegai 1:5

Menyi maŋ wu kusɔ nɛ k bee wora menyi na nna a?

Zakareya 8:21

Bumo nɛ b shi kadegboŋ koŋwule to beeŋ kaŋɛ abar le: ‘Anyee yɔ nna nɛ an ya bunyaŋ Enyɛnpetale Ebɔrɛ na nseŋ kule mo nɛ e nɛfa anyi. Amoso men ba nɛ an yɔ!’

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 32:46

nɛ e kaŋɛ le: “Men baa nyiŋi nsaa wora asheŋ nɛ ŋ kaŋɛ menyi kenishipere so kabre ere kasonu nɛnɛ. Men baa kute amo to a sa men be mbia, saŋɛ na so, bumo alɛ gba beeŋ wora kusɔ kama nɛ k wɔ Ebɔrɛ be mbra be kawɔl na to kasonu kashenteŋto.

Joshuwa 22:19

Nɛ kasawule nɛ men nya na maaŋ naa walɛ nɛ men baa bunyaŋ Enyɛnpe Ebɔrɛ na kumo so gba, men ba kasawule nɛ Enyɛnpe be wajɛbu wɔ kumo so na m ba sɔ kasawule ashi anyi kutɔ ŋ ki menyeya. Ama, men sa maŋ kini kenu n sa Enyɛnpe Ebɔrɛ nseŋ pɔr bɔrɛsure popɔr n ti mo peya na so.