2 Kronikɛls 11:10 - EBƆRƐ BE KAWƆL

¹⁰ nɛ Zora nɛ Aijalɔn nɛ Hibrɔn.

2 Kronikɛls 11:10 ပူးပေါင်းရင်းမြစ်များ

Jɛnesis 23:2

Sɛɛra daŋ wu ashi Kiriaf Arba nɛ kumo koŋwule na la Hibrɔn nɛ k wɔ Keenan be kasawule so na nna nɛ Eebraham shu mbe keeli ga.

2 Samuɛl 2:1

Ade kikɛ be kaman nɛ Deevid bishi Enyɛnpe Ebɔrɛ le: “K daga fanɛ n yɔ Juda be ndeana ere be kuko to a?” Nɛ Enyɛnpe Ebɔrɛ shuli so ŋ kaŋɛ: “Mm!” Nɛ Deevid naŋ bishi le: “Kade mo e daga ŋ ka yɔ?” Nɛ Enyɛnpe Ebɔrɛ kaŋɛ: “Yɔ Hibrɔn!”

2 Samuɛl 2:11

Hibrɔn to nɛ Deevid daŋ chena n ji Juda be efuli so be kuwura nfɛ ashunu nɛ bargato.

2 Kronikɛls 11:11

E daŋ shin nna nɛ baa kuŋ amo nɛnɛ nseŋ lara benapo be benimu nɛ baa keni nde na be kekama so nseŋ ta ajibi nɛ ɔlif be ŋku nɛ asɔnuuso,

2 Kronikɛls 11:9

nɛ Adoraim nɛ Lakish nɛ Azeka

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Joshuwa 10:12

Kachɛ nɛ Enyɛnpe Ebɔrɛ ta Amɔriebi na m bɔɔ Israɛlebi enɔ na, nɛ Joshuwa yili Israɛlebi na be anishito ŋ kule Enyɛnpe Ebɔrɛ ŋ kaŋɛ le: “Epeŋi, yili Gibiɔn be kade ere be kumu so! Kufɔl, fo alɛ e yili Aijalɔn be ketaŋɛ be kumu so!”

Joshuwa 10:36

Ade kikɛ be kaman nɛ Joshuwa nɛ mbe benapo naŋ yili Iglɔn m bɔla abee ase n yɔ Hibrɔn n ya kɔ kumo kena

Joshuwa 14:14

Amoso Hibrɔn kraa la Kalɛb be kaman to ebi peya nna, ŋkpal e ka nu n sa Enyɛnpe nɛ e la Israɛl be Ebɔrɛ na kagbene koŋwule so so.

Joshuwa 15:13

Joshuwa daŋ bɛ kusɔ nɛ Enyɛnpe Ebɔrɛ kaŋɛ mo na so nna nseŋ ta Juda be kasawule na be kaba n sa Jefune pibi Kalɛb. E daŋ nya Hibrɔn nɛ k la Aba be kade na nna. (Aba be kaman to ebi e daa la basa tenteŋ gboŋgboŋi nɛ baa tre Anakebi na)

Joshuwa 15:33

Ndegboŋ nɛ a daa wɔ epeŋitɔrkpa be kaba so be apreŋ so na e daa la: Eshtaol nɛ Zora nɛ Ashna nɛ

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.