2 Bewura 9:34 - EBƆRƐ BE KAWƆL

³⁴ n ya luri ewura be laŋ na to nɛ e ya fin a ajibi n ji nseŋ kaŋɛ le: “Kashenteŋ nna fanɛ e la alubiworapo ama mo alɛ la ewura pibiche nna amoso meeŋ sa mo kupuli lela.”

2 Bewura 9:34 ပူးပေါင်းရင်းမြစ်များ

1 Bewura 16:31

Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

1 Bewura 18:41

Kede be kaman nɛ anebi Elaija kaŋɛ ewura Ahab le: “Ya fin kusɔ ko n ji naniere bre, ŋkpal manɛ so n nu bɔrɛ ka bee gbri a ba.”

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

2 Bewura 9:33

Nɛ Jehu ponte ŋ kaŋɛ bumo le: “Men ta Jɛzebel n lɛ tokuro na to!” Ndoŋ nna nɛ b ta mo n lɛ to nɛ egbaŋɛ chichi mo so nɛ mbe ŋklaŋ fiɛ egbal na nɛ egbaŋɛ nɛ b chichi mo so na. Nɛ Jehu dii mbe egbaŋɛturko n ya chichi mbe kebuni na so,

2 Bewura 9:35

Basa nɛ b yɔ nɛ b ya puli mo na daa maŋ wu mbe eyur ama mbe kumuwibi nɛ mbe enɔana nɛ mbe aya be awibi nawule nɛ b daŋ wu.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Aizaaya 65:15

Ma, Enyɛnpetale Ebɔrɛ na beeŋ shin nɛ men wu nɛ ma basa laraso e ta menyi be atre a sho basa nnɔ. Ama meeŋ sa basa nɛ baa nu a sa ma na bre atre popɔr.

Eemɔs 6:4

Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.