2 Bewura 9:32 - EBƆRƐ BE KAWƆL

³² Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

2 Bewura 9:32 ပူးပေါင်းရင်းမြစ်များ

2 Bewura 9:31

Jehu ka bɔla kade na be kabuna to a ba, nɛ Jɛzebel boŋ to ŋ kaŋɛ le: “Fo nɛ baa tre Zimri na a? Emɔpo ere! Manɛ e bar fo nfe?”

2 Bewura 9:33

Nɛ Jehu ponte ŋ kaŋɛ bumo le: “Men ta Jɛzebel n lɛ tokuro na to!” Ndoŋ nna nɛ b ta mo n lɛ to nɛ egbaŋɛ chichi mo so nɛ mbe ŋklaŋ fiɛ egbal na nɛ egbaŋɛ nɛ b chichi mo so na. Nɛ Jehu dii mbe egbaŋɛturko n ya chichi mbe kebuni na so,

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

2 Kronikɛls 11:12

nɛ abɛlso be asɔkuŋso nɛ akpaana n wɔtɔ amo to. Ŋkpal loŋ so e daŋ ji eleŋ Juda nɛ Bɛnjamin be nde so ga.

Ɛsta 1:10

Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Ɛsta 2:15

Jemanɛ ka fo nɛ Mɔdikaya mo wɔpa nɛ baa tre Abihail na, pibiche Ɛsta nɛ e ta ŋ ki fanɛ mo gbagba pibiche na e yɔ ewura na kutɔ nɛ e buu nle nɛ Heegai nɛ e bee keni kakpa nɛ beche na wɔ so na kaŋɛ mo fanɛ e buu na. Ɛsta malɛ be asheŋ daa par ekama nna.

Ɛsta 2:21

Jemanɛ nɛ Mɔdikaya daa la ewurkpa be krachi na, nɛ Bigtana nɛ Terɛsh nɛ b fɛl bumo nɛ baa keni ewura be ebu dese to so be kabuna so na, nya agbo n wɔtɔ ewura Sɛgsis nsaa kre mbe kemɔ ŋgbalanto.

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 94:16

Wanɛ e naŋ yili ma kaman n tu ma ŋ kɔ basa lubi ere?

Ɛksodɔs 32:26

Nɛ e yili keeyi na be kakpa nɛ baa bɔla a luri kumo to nseŋ kaŋɛ awɔrso: “Ekama nɛ e wɔ Enyɛnpe Ebɔrɛ na be kaba so, e ba ma kutɔ nfe!” Ndoŋ nna nɛ Livaiebi na kikɛ lar m ba shɛr ŋ kulti mo.

Ashuŋ Shunso 12:20

Hɛrɔd ka nya agbo ga n wora Tayɛ nɛ Saidɔn ebi so, b daŋ wora kɔnɔkoŋwule nna n shuŋi bumo to be basa ko Hɛrɔd kutɔ. Ama kumo ere be pɔɛŋ, b daŋ wule nna nɛ bumo nɛ Blastes nɛ e daa la ewura na be kowu to be enimu na wora kɔnɔkoŋwule n yili, ŋkpal manɛ so, ewura na be efuli na so ebi kutɔ nɛ bumo be efuli so ebi daa nya bumo be ajibi.