2 Bewura 9:26 - EBƆRƐ BE KAWƆL

²⁶ E yɛ: “N wu b ka mɔ Nabɔf be mbinyɛnsobi ndre. Ma alɛ beeŋ gberge fo kusoe kasawule nɛ b mɔ Nabɔf ere gbagba so.” Kumo be kaman nɛ Jehu kaŋɛ mbe kayɛrbi na fanɛ e ya ta Joram be kebuni n ya lɛ Nabɔf be kasawule na so saŋɛ na so Enyɛnpe Ebɔrɛ be kamalga na beeŋ bɔlɔ so.

2 Bewura 9:26 ပူးပေါင်းရင်းမြစ်များ

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

2 Bewura 9:21

Nɛ ewura Joram kaŋɛ: “Men ta ma gbaŋɛturko m bar ma.” B ka ta kumo m bar mo nɛ mo nɛ ewura Ahaziya dii bumo be egbaŋɛturko n ya shɛr Jehu to ashi kudɔsawule nɛ k daa la Nabɔf nɛ Jɛzebel daŋ mɔ ashi mbe ndibi be kudɔ to na peya na.

2 Bewura 9:25

Nɛ Jehu kaŋɛ Bidka nɛ e la mbe kayɛrbi na le: “Ta mbe kebuni na n ya lɛ kasawule nɛ k daa la Nabɔf peya na so. Fo nyiŋi saŋɛ so nɛ ma nɛ fo daa dii egbaŋɛturko a bɛ ewura Joram mo tuto Ahab so na a? Kumo be jemanɛ nɛ Enyɛnpe Ebɔrɛ na daŋ kaŋɛ le na.”

2 Kronikɛls 24:25

Ewura Jɔash daŋ doro kena na to nna ga, ama bedoŋ na ka bɛta, nɛ mbe benimuana na be benyɔ ya mɔ mo ashi ebu nɛ e dese to na to m bishi kuwule ŋkpal e ka mɔ bɔrɛmatapo Jehowada pibinyɛn na so. Ewura Deevid be kade to nɛ b daŋ ta mo n ya puli, ama b daa maŋ puli mo kakpa nɛ baa puli bewura na.

2 Kronikɛls 25:4

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ ekurgepo ŋkpal kulubi nɛ bumo be mbia wora so. Loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

Nshɛ 9:13

Enyɛnpe Ebɔrɛ, keni kananɛ ndoŋana shin nɛ mee ji awurfoŋ. Wu ma kuwɔr, m mɔlga ma ashi luwu to,

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ezikɛl 18:19

Ashere menyeeŋ bishi fanɛ nɛ mannɛ e baa nɛ ebi maaŋ nya mo tuto be asheŋ lubi be kakɔka? Kusɔ nɛ k ba e la fanɛ ebi na wora kusɔ nɛ k daga nseŋ wora ma mbraana kasonu nna.

Habakuk 2:10

Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.