Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Bewura 9:17 - EBƆRƐ BE KAWƆL

17 Ekumpo ko nɛ e yil egbal be kakpa jeŋgreŋ nɛ bekumpo bee keni so ashi Jizreel na ka wu Jehu nɛ mbe basa ka bee ba, nɛ e cha awɔr ŋ kaŋɛ ewura na le: “N wu basa ko ka bee ba.” Ndoŋ nna nɛ Joram kaŋɛ bumo le: “Men shuŋi esa ko nɛ e ta gbaŋɛ n ya bishi bumo fanɛ belɔpo e la bumo ŋko bedoŋ?”

အခန်းကိုကြည့်ပါ။ ကော်ပီ




2 Bewura 9:17
17 ပူးပေါင်းရင်းမြစ်များ  

Le be saŋɛ malɛ nɛ Absalɔm shile. Epul to nɛ enapo ko nɛ e la bumo nɛ baa yili a keni kade so na b eko wu basa damta ko ka shi Horoneem be kubɔrbi so a gbelge kebee so a yɔ. Nɛ e ya kaŋɛ ewura Deevid kusɔ nɛ e wu.


Kade na be mbunagboŋ anyɔ nɛ kuko la kakpa nɛ baa bɔla a luri nɛ kakpa nɛ baa bɔla a lar na be kefɛato nɛ Deevid daa tase. Ndoŋ be ekenipo na ka dii kabunagboŋ na be egbal na be ketempreŋ jeŋgreŋ na, nɛ e wu kanyɛn ko nawule ka shil a ba.


Ndoŋ nna nɛ Adonija kaŋɛ: “Fo nyi Israɛlebi kikɛ ka daa nyi fanɛ ma e daa shin nɛ ŋ ki ewura, ama Enyɛnpe Ebɔrɛ chɛrga asheŋ nseŋ ta n sipo Sɔlɔmɔn ŋ ki ewura.


Ndoŋ nna nɛ b lara basa ko nɛ b ta egbaŋɛturko anyɔ nɛ ewura na shuŋi bumo fanɛ b ya keni kusɔ nɛ k wora Siriya be benapo na.


Ndoŋ nna nɛ Jehu bɛta n yɔ mo braana benimu na kutɔ nɛ b bishi mo le: “Nuso nɛ asheŋ du? Manɛ nɛ ebompo ere bee fin fo kutɔ?” Nɛ Jehu kaŋɛ: “Men nyi kusɔ nɛ e bee sha gba.”


Kede be kaman nɛ e luri mbe gbaŋɛturko to n yɔ Jizreel. Loŋ be jemanɛ na kikɛ nɛ Joram maŋ naŋ nya alenfia nɛ Juda be ewura Ahaziya malɛ yɔ ndoŋ nɛ e ya bɔɔ mo so.


Nɛ kabɔ dii gbaŋɛ n yɔ Jehu kutɔ n ya kaŋɛ mo fanɛ ewura yɛ: “Kagbenewushiso nɛ fee ba a?” Nɛ Jehu kaŋɛ: “Kumo ere maŋ la fo asheŋ! Bɛ ma basa ere so.” Kumo be jemanɛ nɛ ekumpo nɛ e yil egbal be kakpa jeŋgreŋ na kaŋɛ fanɛ kabɔ na yɔ katuŋ na kutɔ ama mo alɛ maŋ naŋ bɛta m ba.


Ndoŋ nna nɛ b naŋ shuŋi kabɔ ko nɛ mo alɛ gba ya bishi Jehu loŋ be kesheŋ koŋwule na. Nɛ Jehu malɛ kaŋɛ le: “Kumo ere maŋ la fo asheŋ! Bɛ ma basa ere so.”


E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!


Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.


Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”


Nɛ Deevid yige ajibi na n yili benapo be enimu nɛ e bee keni ajibi be asheŋ so na kutɔ nseŋ shile n yɔ mo daana kutɔ ashi kaboŋ nɛ b wɔ na n ya bishi bumo kananɛ asheŋ du.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ