2 Bewura 9:11 - EBƆRƐ BE KAWƆL

¹¹ Ndoŋ nna nɛ Jehu bɛta n yɔ mo braana benimu na kutɔ nɛ b bishi mo le: “Nuso nɛ asheŋ du? Manɛ nɛ ebompo ere bee fin fo kutɔ?” Nɛ Jehu kaŋɛ: “Men nyi kusɔ nɛ e bee sha gba.”

2 Bewura 9:11 ပူးပေါင်းရင်းမြစ်များ

2 Bewura 4:26

Wora manaŋ n shɛr mo to m bishi mo fanɛ a wɔ ebel a? Kumo be kaman nɛ fo naŋ bishi mo kul nɛ mbe kebinyɛnsobi na be asheŋ.” Gehazi ka yɔ kache na kutɔ nɛ kache na kaŋɛ fanɛ kulubi kama maŋ wɔtɔ.

2 Bewura 5:21

Ndoŋ nna nɛ Gehazi shile m bɛ Neeman so. Neeman ka wu e ka shile a bɛ mo so, nɛ e shin nɛ mbe gbaŋɛturko yili nɛ e shɛr mo to m bishi mo: “A wɔ ebel a?”

2 Bewura 9:12

Nɛ b kaŋɛ le: “An maŋ nyi, kaŋɛ anyi kusɔ nɛ e kaŋɛ!” Nɛ Jehu kaŋɛ: “Kusɔ nɛ e yɛ Enyɛnpe na kaŋɛ e la fanɛ, e buu ma Israɛl be kuwura.”

2 Bewura 9:17

Ekumpo ko nɛ e yil egbal be kakpa jeŋgreŋ nɛ bekumpo bee keni so ashi Jizreel na ka wu Jehu nɛ mbe basa ka bee ba, nɛ e cha awɔr ŋ kaŋɛ ewura na le: “N wu basa ko ka bee ba.” Ndoŋ nna nɛ Joram kaŋɛ bumo le: “Men shuŋi esa ko nɛ e ta gbaŋɛ n ya bishi bumo fanɛ belɔpo e la bumo ŋko bedoŋ?”

2 Bewura 9:19

Ndoŋ nna nɛ b naŋ shuŋi kabɔ ko nɛ mo alɛ gba ya bishi Jehu loŋ be kesheŋ koŋwule na. Nɛ Jehu malɛ kaŋɛ le: “Kumo ere maŋ la fo asheŋ! Bɛ ma basa ere so.”

2 Bewura 9:2

Fo kaŋ fo ndoŋ fo fin Jehoshafat pibinyɛn Jehu nɛ e la Nimshi mo nanabi na nseŋ keta mo n lar mo braana to n yɔ ebuŋkpar,

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

Aizaaya 59:15

Kashenteŋji ka maŋ naa wɔtɔ so, bekama nɛ b yige asheŋ lubi be kewora na bee luri asheŋ to nna.” Enyɛnpe Ebɔrɛ na b kagbene daa maŋ fuli mo ŋkpal keji asheŋ nɛ amo be ekpa so ka maŋ naa wɔtɔ so.

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Maak 3:21

Mbe basa ka nu kumo be asheŋ nɛ b lar nɛ b ba keta mo n lar ndoŋ, ŋkpal manɛ so, b nu basa ka bee kaŋɛ fanɛ: “Mbe kumu kilgi nna.”

Baru lela nɛ Jɔn kute na 10:20

Le nɛ bumo be bedamta daŋ kaŋɛ: “Kiyoyu lubi e wɔ mo to. E bee lɔ eboŋ nna. Manɛ so nɛ esa bee nu ede be mmalga!”

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 26:24

Pɔɔl ka yili a malga le a kuŋ mbe kumu na nɛ Fɛstes ponte mo so ŋ kaŋɛ: “Pɔɔl, keyeŋiyeŋi e kɔ fo na. Fo kawɔl be kenyi damta ere e naa shin nɛ keyeŋiyeŋi tɔr fo so na.”

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

2 Kɔrintebi 5:13

Ŋkpal manɛ so, nɛ an baa maa kɔ nfɛra, keshuŋ Ebɔrɛ so nɛ anyi maŋ kɔ nfɛra, nɛ anyi alɛ naa kɔ anyi be nfɛra kleembi, menyi so nɛ an kɔ amo.