2 Bewura 8:6 - EBƆRƐ BE KAWƆL

⁶ Nɛ Ewura na bishi kache na kesheŋ na, nɛ kache na kaŋɛ mo kusɔ nɛ Gehazi kaŋɛ na gbagba. Ndoŋ nna nɛ ewura na tre mbe benimuana na be eko ŋ kaŋɛ mo fanɛ e ya keni nɛ kache na e nya mbe asɔ kikɛ n ta tɔnɔ nɛ e daa beeŋ nya mbe ndɔ to nfɛ ashunu nɛ a choŋ na kikɛ n ti so.

2 Bewura 8:6 ပူးပေါင်းရင်းမြစ်များ

Jɛnesis 37:36

Loŋ be saŋɛ malɛ nɛ Ishmaɛlebi nɛ b daŋ tɔ Josɛf na malɛ ta mo n ya fa n sa kanyɛn ko nɛ baa tre Potifa ashi Ijipt be efuli so. Potifa e daa la ewura Fɛɛro be esoji nɛ baa kuŋ mo na be enimu.

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Bewura 8:5

Gehazi ka bee kaŋɛ ewura na kananɛ Elaisha tiŋi kebia ashi luwu to, nɛ kache na fo ndoŋ. Nɛ Gehazi kaŋɛ ewura na le: “Yiramu, Kache nɛ Elaisha tiŋi mbe kebia ashi luwu to na nde!”

2 Bewura 8:7

Jemanɛ na so nɛ Siriya be ewura Bɛnhadad daa lɔ, nɛ Elaisha yɔ Damaskɔs nɛ e ya chɔrɔ mo. B ka kaŋɛ ewura na fanɛ Elaisha ba ndoŋ,

2 Bewura 9:32

Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

1 Kronikɛls 28:1

Pɔɛŋ nɛ b pɔr bɔrɛlambu na ewura Deevid daŋ tre Israɛl be bejuŋkparpoana nɛ eyiriana na be benimuana nɛ ekrachi nimuso nɛ benapo be benimuana nɛ benimu nɛ baa keni ewura na nɛ mbe mbia be asɔ nɛ asɔbɔya so na nɛ ewurkpa be benimuana nɛ benapo nɛ b kɔ kenyɛn ga na m ba shɛr Jerusalɛm nna.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Ditɛronɔmi 22:2

Ama nɛ fanɛ esa nɛ e wɔ kumo na wɔ kakpa wɔfɔ nna ŋko fo maŋ nyi esa nɛ e wɔ kusɔbɔya na nna, kumo ere fo ta kumo n yɔ fo pe. Nɛ kusɔbɔyawura kaŋ baa kaa fin kumo nɛ fo ta n sa mo.

Demujipoana 11:13

Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”