2 Bewura 8:5 - EBƆRƐ BE KAWƆL

⁵ Gehazi ka bee kaŋɛ ewura na kananɛ Elaisha tiŋi kebia ashi luwu to, nɛ kache na fo ndoŋ. Nɛ Gehazi kaŋɛ ewura na le: “Yiramu, Kache nɛ Elaisha tiŋi mbe kebia ashi luwu to na nde!”

2 Bewura 8:5 ပူးပေါင်းရင်းမြစ်များ

1 Bewura 20:1

Siriya be efuli so be ewura Bɛnhadad daŋ tre mbe benapo kikɛ nna m ba abar so nɛ bewura adesa nɛ anyɔ ko gba nɛ bumo be egbaŋɛ nɛ egbaŋɛturko ba ti bumo so nɛ b ya kulti Samɛria be kade n wɔtɔ nɛ b kɔ kumo kena.

2 Bewura 4:12

Kumo be kaman nɛ e shin nɛ mbe kayɛrbi Gehazi ya tre kache na. Kache na ka ba nɛ

2 Bewura 4:35

Kumo be kaman nɛ Elaisha koso n nite ŋ kilgi to ebu na to nseŋ naŋ ya teŋi to n dese kebia na so fanɛ kananɛ e daŋ wora sososo na. E ka wora loŋ kela nyɔsopo, nɛ kebia na ŋishi ale shunu nseŋ bugi mbe anishi.

2 Bewura 6:12

Nɛ benapo na be eko kaŋɛ le: “Yiramu, manɛ anyi be ekama nna. Elaisha nɛ e la anebi a wɔ Israɛl na e naa kaŋɛ Israɛl be ewura na kusɔ kama. Hale kusɔ kama nɛ fo kaŋɛ fo ebu to wulo to gba, e beeŋ tiŋ n wu ŋ kaŋɛ.”

2 Bewura 6:26

Kachako nɛ Israɛl be ewura na daa na kade na be egbal nɛ b pɔr ŋ kulti na be esoso nseŋ nu kache ko ka boŋto ŋ kaŋɛ: “Yiramu, chɛ ma to!”

2 Bewura 8:6

Nɛ Ewura na bishi kache na kesheŋ na, nɛ kache na kaŋɛ mo kusɔ nɛ Gehazi kaŋɛ na gbagba. Ndoŋ nna nɛ ewura na tre mbe benimuana na be eko ŋ kaŋɛ mo fanɛ e ya keni nɛ kache na e nya mbe asɔ kikɛ n ta tɔnɔ nɛ e daa beeŋ nya mbe ndɔ to nfɛ ashunu nɛ a choŋ na kikɛ n ti so.

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Aŋasa 16:9

Dimɛdi e wɔ afɛso, ama Enyɛnpe Ebɔrɛ e wɔ aworbi.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ruf be kawɔl 2:3

Ndoŋ nna nɛ Ruf lar n yɔ kudɔ ko to n ya bɛ kudɔ na to be beshumpo so a shishi. Kajaa Bowas nɛ e daŋ shi Elimelɛk be kanaŋ to na e la loŋ be kudɔ na wura.

1 Samuɛl 26:17

Ndoŋ nɛ Sɔɔl pin Deevid be ebɔl nseŋ kaŋɛ le: “Fo nna a m pibinyɛn Deevid?” Nɛ Deevid malɛ shuli so ŋ kaŋɛ le: “Yiramu mm, ma nna.”