2 Bewura 8:19 - EBƆRƐ BE KAWƆL

¹⁹ Ama Enyɛnpe Ebɔrɛ na daa maa sha fanɛ e mur Juda ŋkpal e ka nase kɔnɔ n sa ewura Deevid dra dra fanɛ mbe kaman to ebi e naŋ baa ji Juda be kuwura saŋkikɛ so.

2 Bewura 8:19 ပူးပေါင်းရင်းမြစ်များ

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

2 Samuɛl 7:15

Ma alɛ maaŋ lar mo kaman fanɛ kananɛ n lar Sɔɔl nɛ n daŋ lara nɛ e ki ewura pɔɛŋ nɛ e ba chena so na kaman na.

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

1 Bewura 11:12

Ama ŋkpal fo tuto ewura Deevid so, m maaŋ wora loŋ saŋɛ so nɛ fo kraa wɔ ŋkpa to ere. Jemanɛ nɛ fo pibi beeŋ ki ewura na nɛ meeŋ wora loŋ.

1 Bewura 11:13

Ma alɛ maaŋ sɔ efuli na kikɛ mo kutɔ ŋkpal ma kayɛrbi ewura Deevid nɛ Jerusalɛm nɛ k la ma kade na so. Meeŋ yige efuli na be kaba ko n sa mo.”

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

2 Bewura 11:2

Ahaziya pibinyɛn Jɔash nawule e daŋ nya ekpa n shile ŋ ŋana. Mo nɛ basa na kikɛ nɛ b daa sha kemɔ nɛ mo tana Jehosheba nɛ e daa la ewura Jehoram pibiche nsaa la Ahaziya malɛ mo tuto pibi na mɔlga mo. E daŋ ta mo nɛ eche nɛ e bee keta mo kakurge na nna ŋ ŋana Enyɛnpe be bɔrɛlambu na be ebu deseto to. Ŋkpal loŋ so, Atalia daa maŋ nya mo m mɔ.

2 Bewura 19:34

Meeŋ kuŋ kadegboŋ ere ŋkpal ŋ gbagba be kemaŋkura nɛ kɔnɔ naseso nɛ n nase n sa ma kayɛrbi Deevid na so.’ ”

2 Kronikɛls 21:7

ama Enyɛnpe Ebɔrɛ na daa maa sha fanɛ e mur ewura Deevid be kaman to ebi na, ŋkpal mo nɛ ewura Deevid ka wora ŋkre nɛ e nase kɔnɔ fanɛ ewura Deevid be kaman to ebi e naaŋ baa ji kuwura mbaanaayɔ so.

Nshɛ 132:10

Enyɛnpe Ebɔrɛ, Ewura Deevid la esa nɛ fo lara n sa fo kumu nna, amoso sa maŋ kini mo n lɛ.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.