2 Bewura 8:12 - EBƆRƐ BE KAWƆL

¹² Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”

2 Bewura 8:12 ပူးပေါင်းရင်းမြစ်များ

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 19:17

Meeŋ shin nɛ ewura Haziɛl e mɔ basa nɛ baa shuŋ kegbir nɛ baa tre Baal na kikɛ. Bumo alɛ be ekama nɛ e shile ŋ ŋana nɛ ewura Haziɛl maŋ nya mo m mɔ, ewura Jehu bre beeŋ mɔ mo. Ekama nɛ ewura Jehu malɛ maŋ nya m mɔ, anebi Elaisha bre beeŋ nya mo m mɔ.

2 Bewura 12:17

Loŋ be jemanɛ na nɛ Siriya be Ewura Haziɛl daŋ ya kɔ m pɔɔ Gaaf be kade so nseŋ kilgi n ya kaa kɔ Jerusalɛm malɛ gba.

2 Bewura 12:18

Ndoŋ nna nɛ Juda be ewura Jɔash ta esarga nɛ mo nananyɛnana Jehoshafat nɛ Jehoram nɛ Ahaziya daŋ ta n sa Enyɛnpe Ebɔrɛ na nɛ mo gbagba be sarga nɛ shuwa nɛ a wɔ bɔrɛlambu to nɛ ewura pe na n ya sa ewura Haziɛl fanɛ mbe kakɛ pɔɛŋ nɛ e shin nɛ mbe benapo lar Jerusalɛm to.

2 Bewura 13:22

Saŋɛ so nɛ Jehowahaz daa la ewura na kikɛ, nɛ Siriya be ewura Haziɛl e daa ji Israɛl be efuli na so eleŋ.

2 Bewura 13:3

Ŋkpal loŋ so, Enyɛnpe Ebɔrɛ na daŋ nya agbo nna n wɔtɔ Israɛl nseŋ shin nɛ Siriya be ewura Haziɛl nɛ mo pibinyɛn Bɛnhadad kɔ m pɔɔ Israɛl so n ji bumo so kuwura saŋɛ tenteŋ.

2 Bewura 13:7

Ŋkpal Siriya be ewura Haziɛl ka kɔ m pɔɔ Israɛl so nseŋ nɔkɔr bumo ga so, ewura Jehowahaz daa maŋ naa kɔ benapo damta, she egbaŋɛdiipo adunu nɛ egbaŋɛturko kudu nɛ benapo nɛ baa nite ayaso ŋgboŋ kudu nawule.

2 Bewura 15:16

Menahɛm ka shi Tiiza a ba na, nɛ e kɔ Tapua be kade kena n mur kumo nɛ kumo be basa kikɛ nɛ nde nɛ a kulti kumo na kikɛ, ŋkpal kade na to ebi ka maŋ shuli so n sa mo so. E daŋ baŋɛ bedampoche be epunana gba to nna.

2 Bewura 4:28

Ndoŋ nna nɛ kache na kaŋɛ mo le: “N nyɛnpe! M maŋ kule fo fanɛ fo sa ma kebia. Manɛ nna nɛ fo sa ma tama fuloŋ?”

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 13:18

Bumo be ata nɛ atanyembi nɛ baaŋ ta m mɔ mbrantiɛfɔlbi. B maaŋ wu mbi popɔrbi kuwɔr ŋko n shu mbiwurbi so.

Hoziya 10:14

kena beeŋ ku nɛ menyi nɛ men be kumɔlga be kakpa lempo e mur. Kumo be kemur na beeŋ baa du nna fanɛ kachɛ nɛ ewura Shalma ta kena m ba mur Bɛtabel be kade, nseŋ ta bibinioana nɛ bumo be mbia ŋ ŋmɛa ajembu m mɔ na nna.

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Nahum 3:10

Ama bedoŋ daŋ ba kɔ Tebes nseŋ pɛ kumo be basa n yɔ efuli pɔtɛ so. B daŋ mɔ bumo be mbia nna n nase agbembi so be kukɔlɔ kama so. B daŋ to beri nna m barga bumo be benimugboŋ nɛ b ta ŋgbɛlɛbi ŋ kre na to n sa abar.