2 Bewura 8:11 - EBƆRƐ BE KAWƆL

¹¹ Ndoŋ nna nɛ Elaisha keni Haziɛl be anishito tenini nɛ anishinyɔr pɛ Haziɛl nɛ e kurgi kumu n yuu to nɛ Elaisha fara a shu.

2 Bewura 8:11 ပူးပေါင်းရင်းမြစ်များ

Jɛnesis 45:2

nseŋ shu awɔrso ga hale nɛ Ijiptebi nɛ b daa wɔ kowu na nu e ka bee shu. Ewura Fɛɛro be laŋ to ebi gba nu mbe kushu na be asheŋ.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 2:17

Ama b daŋ mata so hale nɛ e wora bumo anishinyɔr nseŋ shuli. Ndoŋ nna nɛ anebiana adunu na ta nchɛ asa n fin anebi Elaija kanaŋkama ŋ gben.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:18

Kumo be kaman nɛ basa na kaŋɛ le: “Kaŋɛ beche na nɛ b nya manaŋ m boŋ awɔba n sa anyi; saŋɛ na so anyeeŋ shu m bure anishi.”

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Baru lela nɛ Jɔn kute na 11:35

Yesu shu.

Ashuŋ Shunso 20:19

N daa shuŋ ma kushuŋ nna fanɛ kebɔrɛnya nsaa yɔɔ ma kumu saŋkama a wɔtɔ a nya kagbenejija a shu nchɛ nchɛ to ŋkpal Juwebi be nia nɛ b daa kre ma na so.

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Romebi 9:2

Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

Filipaiebi 3:18

Ŋkpal manɛ so, loŋ koŋwule na gbagba nɛ mee kaa kaŋɛ menyi nsaa sha kenaŋ n lɔŋɛ n ta anishichubi ŋ kaŋɛ menyi n ti so na fanɛ basa damta be kebaawɔtɔ du fanɛ b ka bee kishi Kristo be kedibi largato na be asheŋ nna.