2 Bewura 7:9 - EBƆRƐ BE KAWƆL

⁹ Kumo be kaman nɛ b kaŋɛ abar le: “K daa maŋ daga an ka wora le! An kɔ baru lela ko nɛ k maŋ daga k shir an nawule kutɔ. An baŋ yige nɛ kare e chɛ anyi pɔɛŋ nɛ an bɔ baru ere, baaŋ gberge anyi kusoe, amoso men shin nɛ an yɔ manaŋ n ya kaŋɛ ewura na be benapo be benimu na kesheŋ ere!”

2 Bewura 7:9 ပူးပေါင်းရင်းမြစ်များ

2 Bewura 5:4

Neeman ka nu loŋ nɛ e yɔ ewura na kutɔ n ya kaŋɛ mo kusɔ nɛ kebichebi na kaŋɛ kikɛ.

2 Bewura 7:10

Ndoŋ nna nɛ b lar Siriyaebi be benapo na be keeyi to m bɛta n yɔ Samɛria be kade na to n ya ponte ŋ kaŋɛ kumo be mbunakumpoana na le: “An ka yɔ Siriyaebi be benapo na be keeyi to, anyi maŋ wu esa, anyi alɛ maŋ nu esa kama gba be asheŋ ndoŋ. Bumo be egbaŋɛ nɛ ekurma nawule a chɛ a mur ndoŋ ashi bumo be ewajɛbu ase.”

2 Bewura 7:3

Jemanɛ na so nɛ ebotiponyɛn ana ko daa wɔ Samɛria be egbal na be ekarso a mata kabunagboŋ na nseŋ kaŋɛ abar le: “Manɛ e ba nɛ anyeeŋ chena nfe hale n ya wu?

2 Bewura 7:8

Ebotipo ana na ka fo keeyi na to nɛ b ya luri ewajɛbu na be kuko to n ji ajibi nseŋ nuu asɔnuuso nɛ a wɔ kumo to na nseŋ muu shuwa nɛ gbiti nɛ asɔbuuso n ya ŋana nseŋ naŋ bɛta m ba luri wajɛbu ko gba to m muu asɔ nɛ a wɔ kumo to n ya ŋana.

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aizaaya 41:27

Ma, Enyɛnpe Ebɔrɛ na e juŋkpar m bɔ baru na n sa Zayɔn. N daŋ shuŋi kabɔ Jerusalɛm to fanɛ e ya kaŋɛ le nna: ‘Menyi be basa bee ba! Baa ba epe nna!’

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Luuk 2:10

Nɛ malaika na kaŋɛ bumo: “Men sa maa lɔ kufu, ŋkpal manɛ so, baru lela nɛ k beeŋ sa basa kikɛ kagbenefuli nɛ m bar menyi.

Filipaiebi 2:4

Men be ekama e sa maa wɔtɔ a de mo gbagba nawule be aparsheŋ so, a daga fanɛ e baa de mo braana gba be aparsheŋ so.