2 Bewura 7:4 - EBƆRƐ BE KAWƆL

⁴ An yɔ kade to gba an maaŋ nya shɛŋ ndoŋ n ji. Anyi alɛ chena nfe gba akoŋ e naŋ mɔ anyi. Amoso men shin nɛ an yɔ Siriyaebi na be keeyi to n ya ta anyi be amu m bɔɔ bumo enɔ. Ashere baaŋ mɔ anyi ŋko baaŋ yige anyi.”

2 Bewura 7:4 ပူးပေါင်းရင်းမြစ်များ

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

2 Bewura 6:24

Asheŋ ere kikɛ be kaman be jemanɛ ko, nɛ Siriya be ewura Bɛnhadad juŋkpar mbe benapo nɛ e ya kɔ Israɛlebi kena nseŋ shin nɛ b pugi ŋ kulti Samɛria be kade na kikɛ.

2 Bewura 7:5

Kanyɛ ka bee biri, nɛ ebotipo ana na lar n yɔ Siriyaebi na be keeyi to nɛ esa kama maŋ wɔtɔ. Enyɛnpe Ebɔrɛ na e shin nɛ Siriya be benapo na nu egbri ko fanɛ benapo damta ka dii egbaŋɛ nɛ egbaŋɛturko a ba na, nseŋ fɛ fanɛ Israɛl be ewura na e ya haya Hitebi nɛ Ijiptebi be bewura nɛ bumo benapo fanɛ b ba kɔ bumo kena.

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.