2 Bewura 7:1 - EBƆRƐ BE KAWƆL

¹ Ade kikɛ be kaman nɛ Elaisha kaŋɛ fanɛ b loto n nu kusɔ nɛ Enyɛnpe Ebɔrɛ na kaŋɛ. E yɛ: “Echefo saŋɛ ere so menyeeŋ tɔ ayu lela kurwa asasa nɛ ayu peper malɛ kurwa asheshe gbiti be kadɛrbi koŋwule ashi Samɛria be kade to.”

2 Bewura 7:1 ပူးပေါင်းရင်းမြစ်များ

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

2 Bewura 20:16

Ndoŋ nna nɛ Aizaaya kaŋɛ ewura na: “Enyɛnpetale Ebɔrɛ na gbagba e kaŋɛ fanɛ

2 Bewura 4:42

Kachako malɛ nɛ kanyɛn ko nɛ e shi Baal Shalisha ta ayu peper nɛ b fara n teŋi kafɛ to n wora ebodobodo adunyɔ nɛ aboyu bumbuŋ m bar Elaisha. Ndoŋ nna nɛ Elaisha kaŋɛ mbe kayɛrbi fanɛ e ta amo n ya sa anebiana na nɛ b ji.

2 Bewura 6:25

Ŋkpal benapo na ka daŋ pugi ŋ kulti kade na so, ajibi be asheŋ daŋ ki kpakpa nna ashi kade na to. Ŋkpal loŋ so gbiti be ndarbi aduburwa nɛ b daa fa kurma be kumu nsaa fa kupuŋ to be albasa kurwa fimbi be bɔlɔ malɛ gbiti be ndarbi anu.

2 Bewura 6:33

E kraa malga nna nɛ kabɔ na ba luri ŋ kaŋɛ le: “Enyɛnpe Ebɔrɛ na e bar le be kasogberge ere anyi so. Manɛ nna nɛ an naa jo mo fanɛ e wora kusɔ ko?”

2 Bewura 7:16

Ndoŋ nna nɛ Samɛriaebi na shile n yaa muu Siriyaebi na be asɔ ashi bumo be keeyi to. Nɛ kusɔ nɛ Enyɛnpe Ebɔrɛ kaŋɛ na fanɛ, baaŋ baa fa ayu lela kurwa asa asa nɛ ayu peper kurwa ashe ashe gbiti be kadɛrbi koŋwule na bɔlɔ so.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 8:23

Meeŋ barga ma basa ashi fo basa to. Echefo nɛ le be kemamachisheŋ ere malɛ beeŋ wora.’ ”

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Ezikɛl 37:4

Ndoŋ nna nɛ e kaŋɛ: “Malga n sa awibi nɛ a wɔl n fuli na nseŋ kaŋɛ amo nɛ e nu Enyɛnpe Ebɔrɛ na be kamalga.

Baru lela nɛ Jɔn kute na 6:9

“Kebia ko wɔ nfe a kɔ ayunyifu be ebodobodo anu nɛ ekɔrɔtɔ anyɔ, ama manɛ nɛ a beeŋ tiŋ n wora n sa basa damta ere?”

Joshuwa 3:5

Kede be kaman nɛ Joshuwa kaŋɛ basa na le: “Men lara kulubi kikɛ ashi men be ŋgbene to nsaa du cheembi saŋkama ŋkpal manɛ so Enyɛnpe Ebɔrɛ na beeŋ ba menyi kutɔ echefo m ba wora emamachisheŋ.”

Kelaraŋŋini 6:6

Ndoŋ nna nɛ n nu kusɔ ko ka shi asɔbɔya keniso ana na to ŋ gbri m ba fanɛ ebɔl na a kaŋɛ le: “Ta aboyu be kurwa be bargato malɛ be bargato nɛ amo be yawu la lebra be kachɛ koŋwule be kakɔka na nseŋ ta gari be kurwa be bargato malɛ be bargato asa n sɔ lebra be kachɛ koŋwule be kakɔka. Ama sa maŋ kaŋ tɔrɔ ŋku na nɛ yabra belbelso na bre.”

1 Samuɛl 11:9

Ndoŋ nna nɛ b kaŋɛ mbɔ nɛ b shi Jabesh na le: “Men kaŋɛ menyi be basa fanɛ pɔɛŋ nɛ kapa e fo echefo anyeeŋ mɔlga bumo.” Jabesh be basa ka nu loŋ be baru na nɛ bumo be ŋgbene fuli bumo ga.

1 Samuɛl 15:1

Kachako nɛ Samuɛl kaŋɛ Sɔɔl le: “Ma nɛ Enyɛnpe Ebɔrɛ shuŋi fanɛ m ba ta ŋku n do fo kumu so n lara fo ŋ ki mbe basa Israɛlebi be ewura. Amoso kaŋ kusoe naniere n nu kusɔ nɛ Enyɛnpetale bee kaŋɛ.