2 Bewura 6:32 - EBƆRƐ BE KAWƆL

³² Kumo be kaman nɛ e shuŋi kabɔ Elaisha kutɔ nɛ benimu ko malɛ baŋ ba nɛ b ba bɔɔ Elaisha so. Ama pɔɛŋ nɛ kabɔ na e ba na nɛ Elaisha tiŋ ŋ kaŋɛ benimu nɛ b ba nɛ b ba bɔɔ mo so na le: “Emɔpo na shuŋi esa ko fanɛ e ba mɔ ma. E kaŋ ba men ti kukuloŋ n sa maŋ shin nɛ e luri ebu ere to. Ewura na gba yil mbe kaman nna.”

2 Bewura 6:32 ပူးပေါင်းရင်းမြစ်များ

1 Bewura 14:6

Ahija ka nu mbe aya ka cha m ba fo kabuna to nɛ e kaŋɛ le: “Jeroboam be eche, luri m ba. Manɛ nna nɛ fee wora fanɛ mannɛ fo nna? Ŋ kɔ baru lubi nɛ n sa fo.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

2 Bewura 5:26

Nɛ Elaisha kaŋɛ le: “Saŋɛ so nɛ kanyɛn na lar mbe gbaŋɛturko to nɛ fo nɛ mo yil na, nɛ n wɔ men kutɔ kiyoyu to. Mannɛ saŋɛ nɛ k daga fo ka sɔ amansherbi nɛ ewajɛ nɛ ɔlif be ndɔ nɛ ndibi nɛ baa tre greep na be ndɔ nɛ mbolpɔ nɛ ana ŋko nyɛrbi nde!

2 Bewura 6:12

Nɛ benapo na be eko kaŋɛ le: “Yiramu, manɛ anyi be ekama nna. Elaisha nɛ e la anebi a wɔ Israɛl na e naa kaŋɛ Israɛl be ewura na kusɔ kama. Hale kusɔ kama nɛ fo kaŋɛ fo ebu to wulo to gba, e beeŋ tiŋ n wu ŋ kaŋɛ.”

2 Bewura 7:17

Loŋ be saŋɛ na nɛ ewura na daŋ shin nɛ benapo be enimu nɛ e bee fute a yige so na bee keni kade na be kabunagboŋ na so, nɛ gbirgbir gbirgbir na shin nɛ basa chichi mo so m mɔ. Nɛ kusɔ nɛ Enyɛnpe Ebɔrɛ bɔla anebi Elaisha so ŋ kaŋɛ saŋɛ nɛ ewura na yɔ mo pe na bɔlɔ so.

Jɛremaya 11:18

Ade kikɛ be kaman nɛ Enyɛnpe Ebɔrɛ na shin nɛ m pin nia lubi nɛ ndoŋana daa kre a laŋɛ ma kaplɛa so.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Ezikɛl 14:1

Kachako nɛ Israɛl be benimuana na be beko ba chena ma anishi to a fin kubɔya nɛ k shi Enyɛnpe Ebɔrɛ na kutɔ.

Ezikɛl 20:1

B ka pɛ ewura Jehowachin nɛ anyi be beko n yɔ Babilɔn be efuli so na be kafɛ shunusopo to be kufɔl nusopo to be kachɛ kudusopo na nɛ Israɛl be benimuana ko ba chena ma anishi to a fin kenu kusɔ nɛ Enyɛnpe Ebɔrɛ na kɔ nɛ e kaŋɛ bumo.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 8:1

B ka pɛ anyi n tintiŋ anyi n yɔ Babilɔn be efuli so na be kafɛ shesopo na to be kufɔl shesopo be kachɛ nusopo na, nɛ ma nɛ Juda be benimuana chena ma nɛ Enyɛnpetale Ebɔrɛ na be eleŋgboŋ gbelge ma so ndoŋ epul to.

Luuk 13:32

Nɛ Yesu kaŋɛ bumo: “Men ya kaŋɛ kuntuŋ na le: ‘Keni ma, Yesu, bee ju mbuibi lubi basa to nsaa chɛ alɔana, kabre nɛ echefo nɛ n loge kushuŋ na kachɛ sasopo to.’