2 Bewura 6:23 - EBƆRƐ BE KAWƆL

²³ Ndoŋ nna nɛ Israɛl be ewura na shin nɛ b wora kejigboŋ n sa Siriya be benapo na. B ka ji nseŋ nuu n loge na, nɛ e shin nɛ b bɛta n yɔ Siriya be ewura na kutɔ. Baŋ yili kumo be saŋɛ, nɛ Siriyaebi na yige kebaata kena a purgi Israɛl be efuli so ebi.

2 Bewura 6:23 ပူးပေါင်းရင်းမြစ်များ

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Bewura 5:2

Jemanɛ ko nɛ Siriyaebi na ta kena n ya purgi Israɛlebi nseŋ pɛ Israɛl be kebichebi ko kena na to nɛ e ya ki Neeman be eche be kebita.

2 Kronikɛls 28:15

nɛ benimuana na lara epiŋi ashi asɔ nɛ b muu na to n sa basa nɛ b pɛ kena to na b bumo nɛ b maŋ kɔ asɔbuuso na. Kumo be kaman nɛ b sa bumo kikɛ epiŋi nɛ asɛbta nɛ ajibi nɛ nchu nseŋ wora ɔlif be ŋku a wɔtɔ bumo be achuuana to. Kede be kaman nɛ b ta bumo bekama nɛ b maŋ kɔ eleŋ na n chena ekurma so nseŋ keta bumo n yɔ Jɛriko be kade nɛ baa tre abii be ndibi be kade na to. Kumo be kaman nɛ Israɛlebi na bɛta n yɔ bumo pe Samɛria.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Matiu 5:47

Ŋko nɛ men wɔtɔ a chɔrɔ men kurgepoana nawule, manɛ be kelela nɛ menyee wora a chɔ basa pɔtɛ? Men maŋ nyi fanɛ loŋ nɛ nnyamase gba bee wora a?

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.