2 Bewura 6:12 - EBƆRƐ BE KAWƆL

¹² Nɛ benapo na be eko kaŋɛ le: “Yiramu, manɛ anyi be ekama nna. Elaisha nɛ e la anebi a wɔ Israɛl na e naa kaŋɛ Israɛl be ewura na kusɔ kama. Hale kusɔ kama nɛ fo kaŋɛ fo ebu to wulo to gba, e beeŋ tiŋ n wu ŋ kaŋɛ.”

2 Bewura 6:12 ပူးပေါင်းရင်းမြစ်များ

2 Bewura 5:26

Nɛ Elaisha kaŋɛ le: “Saŋɛ so nɛ kanyɛn na lar mbe gbaŋɛturko to nɛ fo nɛ mo yil na, nɛ n wɔ men kutɔ kiyoyu to. Mannɛ saŋɛ nɛ k daga fo ka sɔ amansherbi nɛ ewajɛ nɛ ɔlif be ndɔ nɛ ndibi nɛ baa tre greep na be ndɔ nɛ mbolpɔ nɛ ana ŋko nyɛrbi nde!

2 Bewura 5:3

Ndoŋ nna nɛ kachako nɛ kebichebi na kaŋɛ mo chepe le: “N nyɛnpe daa beeŋ yɔ anebi nɛ e wɔ Samɛria na kutɔ nna, dafanɛ e beeŋ chɛ mbe keboti ere.”

2 Bewura 5:8

Anebi Elaisha ka nu loŋ, nɛ e ta ebɔl n sa ewura na ŋ kaŋɛ le: “Manɛ nna nɛ fo kagbene jija fo loŋ? Shin nɛ kanyɛn na e ba ŋ kutɔ, nɛ ŋ ŋini mo fanɛ anebi wɔ Israɛl be efuli so!”

2 Bewura 6:11

Siriya be ewura na ka pin kumo be loŋ nɛ e nya agbo alegaiso nseŋ tre mbe benapo be benimu m bishi bumo le: “Menyi be emo e naa kaŋɛ Israɛl be ewura anyi be ashiri?”

2 Bewura 6:13

Nɛ Siriya be ewura na kaŋɛ le: “Kumo ere men fin kakpa nɛ e wɔ, nɛ b ya pɛ mo m ba.” B ka kaŋɛ mo fanɛ Elaisha wɔ kade nɛ baa tre Dotan na,

Ɛksodɔs 8:3

Nail be lɔr ere kikɛ beeŋ bɔlɔ epulo nɛ b lar m ba fo laŋ to m ba luri fo ebu deseto to n dii n sɔ fo gedo so. A beeŋ luri fo beyaasepoana nɛ fo basa kikɛ be elaŋana to. Epulo beeŋ ba kaa wɔ men be bodobodo be etɔkpaana nɛ men be asɔ nɛ menyee gbiti ebodobodo kikɛ to.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Kaŋinichiŋgeliŋ 10:20

Sa maŋ kaŋ malga ŋ gbiti ewura ŋko n shoduu damawura, hale fo nfɛra to ŋko ashi fo ebu deseso to gba. Ŋkpal manɛ so, kabuibi ko beeŋ tiŋ n nu nseŋ ya kaŋɛ bumo kusɔ nɛ fo malga na kikɛ.

Aizaaya 29:15

Asheŋ maaŋ nyalɛ n sa bekama nɛ baa ta bumo be ŋkre a ŋana Enyɛnpe Ebɔrɛ na so na! Baa wora asheŋ ŋgbalanto nna a fɛ fanɛ esa kikɛ maaŋ wu bumo ŋko m pin kusɔ nɛ baa wora na.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.