2 Bewura 5:22 - EBƆRƐ BE KAWƆL

²² Nɛ Gehazi kaŋɛ: “N nyɛnpe e shuŋi ma fanɛ ŋ kaŋɛ fo fanɛ anebiana be katuŋ ko be basa anyɔ e shi Efrayim be kebee be efuli so m ba. Amoso e bee sha fanɛ fo sa bumo gbiti be ndarbi ŋgboŋ asa nɛ ewajɛ lela malɛ be yiri yiri mpɔ anyɔ.”

2 Bewura 5:22 ပူးပေါင်းရင်းမြစ်များ

1 Bewura 13:18

Ndoŋ nna nɛ anebi nimuso na kaŋɛ le: “Ma alɛ gba la anebi nna. Enyɛnpe Ebɔrɛ be malaika e kaŋɛ ma fanɛ n yɛr fo ma laŋ to nɛ fo ya fin kusɔ ko n ji.” Ama anebi nɛ e shi Juda na daa maŋ nyi fanɛ anebi nimuso na daa ku efɛ nna.

1 Bewura 20:35

Loŋ be jemanɛ na so nɛ Enyɛnpe Ebɔrɛ kaŋɛ anebi ko fanɛ e kaŋɛ mo barkasa le: “Ŋmɛa ma.” Nɛ anebi na kini.

1 Bewura 20:39

Ewura na ka bee choŋ nɛ anebi na boŋ to n tre mo nseŋ kaŋɛ mo le: “Yiramu! Kena nɛ anyee kɔ nɛ enapo ko keta edompo ko ka shile kena m ba ŋ kutɔ m ba kaŋɛ le: ‘Baa keni kanyɛn ere so, nɛ fo baŋ yige nɛ e shile, feeŋ paŋ fo ŋkpa, ŋko ŋ ka gbiti be ndarbi ŋgboŋ asa.

2 Bewura 2:15

Jɛriko be anebiana adunu na ka wu loŋ nɛ b kaŋɛ le: “Anebi Elaija be eleŋ gbelge Elaisha so,” Kumo be kaman nɛ b ya shɛr mo to ŋ jɔŋɛ mo ase

2 Bewura 2:3

B ka fo Bɛtɛl nɛ anebiana be katuŋ ko nɛ b wɔ Bɛtɛl na ya bishi Elaisha le: “Fo nyi Enyɛnpe Ebɔrɛ ka beeŋ ta fo nyɛnpe ere ŋ ka fo kabre a?” Nɛ Elaisha kaŋɛ: “Mm n nyi, ama sa maŋ kaŋ malga kumo be asheŋ.”

2 Bewura 2:5

Nɛ anebiana be katuŋ ko nɛ b wɔ Jɛriko na yɔ Elaisha kutɔ n ya bishi mo le: “Fo nyi Enyɛnpe Ebɔrɛ ka beeŋ ta fo nyɛnpe ere ŋ ka fo kabre a?” Nɛ Elaisha kaŋɛ: “Mm n nyi, ama men sa maŋ kaŋ naŋ malga kumo be asheŋ.”

2 Bewura 2:7

Nɛ anebiana na be basa adunu shi Jɛriko m bɛ bumo so n yɔ Jɔɔdan be lɔr na to nɛ anebi Elaija nɛ Elaisha ya yili lɔrkar na ase gbagba nɛ anebi adunu na malɛ feŋ bumo n yili.

2 Bewura 4:26

Wora manaŋ n shɛr mo to m bishi mo fanɛ a wɔ ebel a? Kumo be kaman nɛ fo naŋ bishi mo kul nɛ mbe kebinyɛnsobi na be asheŋ.” Gehazi ka yɔ kache na kutɔ nɛ kache na kaŋɛ fanɛ kulubi kama maŋ wɔtɔ.

2 Bewura 5:21

Ndoŋ nna nɛ Gehazi shile m bɛ Neeman so. Neeman ka wu e ka shile a bɛ mo so, nɛ e shin nɛ mbe gbaŋɛturko yili nɛ e shɛr mo to m bishi mo: “A wɔ ebel a?”

2 Bewura 5:25

Kede be kaman nɛ Gehazi bɛta n yɔ laŋ to Elaisha kutɔ nɛ Elaisha bishi mo le: “Nnɛ nɛ fo shi?” Nɛ e yɛ: “N nyɛnpe, maŋ shi kaplɛkama.”

2 Bewura 5:5

Ndoŋ nna nɛ ewura na kaŋɛ mo le: “Kumo ere fo yɔ, meeŋ sa fo kawɔl nɛ fo ya sa Israɛl be ewura.” Nɛ Neeman ta gbiti be ndarbi ŋgboŋ adesa nɛ shuwa malɛ be ndarbi ŋgboŋ ashe nɛ ewajɛ lela malɛ be yiri yiri be mpɔ kudu m pɛ ekpa.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Joshuwa 24:33

Nɛ Ɛɛrɔn pibinyɛn Eliaza wu nɛ b ta mo n ya puli Gibia nɛ k wɔ Efrayim be abee be efuli so na. Ndoŋ nɛ b daŋ ta n sa mo pibinyɛn Finihas na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Demujipoana 14:12

Ndoŋ nna nɛ Samsɔn kaŋɛ mbrantiɛfɔlbi adesa na le: “Men shin nɛ ŋ kaŋɛ menyi keyiremu ere. Men kaŋ tiŋ ŋ kaŋɛ ma kusɔ nɛ k bee ŋini pɔɛŋ nɛ kejafɔ na be kejigboŋ e loge nchɛ ashunu be jemanɛ to na, meeŋ sa menyi be ekama piŋi lela nɛ asɔbuuso nɛ menyee baa chɛrga a buu.