2 Bewura 5:16 - EBƆRƐ BE KAWƆL

¹⁶ Nɛ Elaisha malɛ kaŋɛ le: “Enyɛnpe Ebɔrɛ nɛ mee shuŋ nɛ e wɔ ŋkpa to ere so, maaŋ sɔ kakɛ ere.” Ndoŋ nna nɛ Neeman mata mo so fanɛ e sɔ kakɛ na nɛ e kini.

2 Bewura 5:16 ပူးပေါင်းရင်းမြစ်များ

1 Bewura 13:8

Nɛ anebi na kaŋɛ: “Hale fo ta fo asɔ nɛ fo kɔ kikɛ be bargato n sa ma gba, maaŋ bɛ fo so n ya ji fo ajibi ŋko n nuu fo nchu.

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:15

Ndoŋ nna nɛ anebi Elaija kaŋɛ le: “Enyɛnpetale Ebɔrɛ nɛ mee shuŋ ere be ketre to, meeŋ yɔ n ya wu ewura Ahab kabre.”

2 Bewura 3:14

Nɛ Elaisha malɛ kaŋɛ le: “Nɛ mannɛ Enyɛnpetale Ebɔrɛ nɛ e wɔ ŋkpa to nɛ mee shuŋ mo ere be ketre so, nɛ bunyaŋ nɛ ŋ kɔ a sa Juda be ewura Jehoshafat so n daa maaŋ malga fo kutɔ gba.

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

2 Bewura 5:26

Nɛ Elaisha kaŋɛ le: “Saŋɛ so nɛ kanyɛn na lar mbe gbaŋɛturko to nɛ fo nɛ mo yil na, nɛ n wɔ men kutɔ kiyoyu to. Mannɛ saŋɛ nɛ k daga fo ka sɔ amansherbi nɛ ewajɛ nɛ ɔlif be ndɔ nɛ ndibi nɛ baa tre greep na be ndɔ nɛ mbolpɔ nɛ ana ŋko nyɛrbi nde!

Danɛl 5:17

Ndoŋ nna nɛ Danɛl kaŋɛ le: “Yiramu, meeŋ kraŋ kasibɛ na nseŋ kaŋɛ fo kumo be kifito, ama baa kɔ fo ŋkɛ. Feeŋ tiŋ n ta amo ŋ kɛ esa ko.

Matiu 10:8

Men kaŋ yɔ, men chɛ belɔpo n tiŋi bubuni n shin nɛ bebotipo e nyalɛ so nseŋ ju mbuibi lubi basa to. Menyi maŋ tɔ nseŋ nya, amoso, menyi alɛ gba e sa nsaa maa fin kakɔka.

1 Kɔrintebi 6:12

Menyi be beko bee kaa kaŋɛ le kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama mannɛ kusɔ kama malɛ e walɛ n sa ma. Menyee yɛ kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama ma alɛ maaŋ shin nɛ kusɔ kama e ta ma ŋ ki kumo be kenya.

2 Kɔrintebi 12:14

Ma keba mo nɛ n wora shiriya nɛ m ba bɔɔ menyi so ere e naa ti ma kela sasopo so, ma alɛ maa ba nna nɛ m ba kaa dese menyi so. Ŋkpal manɛ so, mannɛ menyi be asɔ nɛ mee sha, menyi gbagba nɛ mee sha, ŋkpal manɛ so, mannɛ mbia e naa ji a ka a yili bumo nawuraana, ama bumo nawuraana bre e naa ji a ka a yili bumo.