2 Bewura 5:14 - EBƆRƐ BE KAWƆL

¹⁴ B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

2 Bewura 5:14 ပူးပေါင်းရင်းမြစ်များ

1 Bewura 17:16

Ŋkpal kɔnɔ nɛ Enyɛnpe Ebɔrɛ daŋ bɔla anebi Elaija so n nase na so, nyifu nɛ a wɔ katishaŋ na to na daa maŋ loge nɛ ŋku nɛ a daa wɔ kɔlba na to na gba daa maŋ loge.

2 Bewura 4:35

Kumo be kaman nɛ Elaisha koso n nite ŋ kilgi to ebu na to nseŋ naŋ ya teŋi to n dese kebia na so fanɛ kananɛ e daŋ wora sososo na. E ka wora loŋ kela nyɔsopo, nɛ kebia na ŋishi ale shunu nseŋ bugi mbe anishi.

2 Bewura 5:10

Ndoŋ nna nɛ Elaisha kaŋɛ mbe kayɛrbi fanɛ e lar kowu n ya kaŋɛ mo nɛ e yɔ Jɔɔdan be lɔr to n ya ber ale shunu nɛ keboti na kikɛ a yɔ.

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Job be kawɔl 31:13

Nɛ fanɛ n daa maŋ wora kusɔ nɛ k daga n sa ma nyɛrbi nɛ mbita jemanɛ nɛ asheŋ ko daŋ ba ma nɛ bumo be kefɛato na,

Job be kawɔl 33:25

Kumo be kaman nɛ b naŋ nya alenfia, nseŋ naŋ nya eleŋ ŋ ki fanɛ mbifɔlbi na.

Ɛksodɔs 4:7

Ndoŋ nna nɛ Enyɛnpe Ebɔrɛ naŋ kaŋɛ mo: “Naŋ ta fo enɔ n wɔtɔ fo piŋi to.” Nɛ Mosis naŋ ta mbe enɔ n wɔtɔ mbe piŋi na to. E ka naŋ lara kumo nɛ k naŋ nyalɛ so ŋ ki mbe kayurwule gbagba.

Aŋasa 9:9

Kusɔ kama nɛ fo kaŋɛ enyiashempo, bee sa mo kanyiasheŋ nna a ti so. Kusɔ kama malɛ nɛ fo kaŋɛ basa nɛ baa wora asheŋ niŋiso, bee sa bumo kenyi nna a ti so.

Levitikɔs 13:58

Nɛ fanɛ e ka fɔr kumo na, kapuu na maŋ naa wɔ kusɔbuuso na ŋko kechɛbi na ŋko kusɔbɔya be kawɔl na so, e beeŋ naŋ laŋɛ n fɔr kumo nɛ k nyalɛ so daŋkare be ekpa so.”

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Luuk 4:27

Anebi Elaisha malɛ be jemanɛ na bebotipo damta e daa wɔ Israɛl be efuli so, ama Ebɔrɛ daa maŋ shin nɛ e chɛ bumo be ekama she Neeman nɛ e shi Siriya na.”

Luuk 5:13

Nɛ Yesu teŋi enɔ to m beta mo nseŋ kaŋɛ: “Mm, k par ma. Keboti lar mo to.” Epul na to nɛ keboti na lar kanyɛn na to.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.