2 Bewura 5:13 - EBƆRƐ BE KAWƆL

¹³ Ndoŋ nna nɛ Neeman be nyɛrbi yɔ mo kutɔ n ya kaŋɛ mo le: “Enyɛnpe, anebi ere daŋ kaŋɛ fanɛ fo wora kusɔ kpakpaso ko nna, fo daa maaŋ wora a? Nɛ manɛ e ba nɛ e kaŋɛ fo fanɛ fo ya bɛr nchu na to nseŋ nya alenfia nɛ fo kini?”

2 Bewura 5:13 ပူးပေါင်းရင်းမြစ်များ

Jɛnesis 41:43

E ka wora Josɛf loŋ na nɛ e shin nɛ b ta mo gbaŋɛturko to nɛ basa ko juŋkpar mo a ponte to a kaŋɛ: “Men baa bunyaŋ mo, men baa bunyaŋ mo!” Nɛ k ŋini fanɛ mbe eyilikpa e bɛ Fɛɛro so. Ade kikɛ nɛ Fɛɛro daŋ wora n shin nɛ Josɛf ki Ijipt be kasawule na kikɛ so be ekenipo.

1 Bewura 20:23

Nɛ ewura Bɛnhadad be benimuana malɛ kaŋɛ mo le: “Abee so nɛ Israɛlebi na be agbir wɔ, amoso nɛ b tiŋ ŋ kɔ m pɔɔ anyi so abee so na. Nɛ an baŋ kɔ bumo keplasawule, anyeeŋ pɔɔ bumo so.

1 Bewura 20:31

Kede be kaman nɛ mbe benimuana na yɔ mo kutɔ n ya kaŋɛ le: “An nu fanɛ Israɛl be bewura bee wu kuwɔr ga, amoso sa anyi ekpa nɛ an ta kagbenejijaso be asɔbuuso n dela anyi be nshɛr to nseŋ ta efɔl malɛ n chɛ anyi be abɔto kagbenejijaso n yɔ Israɛl be ewura na kutɔ. Ashere nɛ an wora loŋ e maaŋ mɔ fo.”

2 Bewura 13:14

Jemanɛ ko ka ba fo nɛ kulɔ lubi ko pɛ Elaisha nɛ e bee sha kewu, ndoŋ nna nɛ Israɛl be ewura Jehɔash yɔ nɛ e ya bɔ mo so. Jehɔash ka yili mo kutɔ, nɛ e shu ŋ kaŋɛ le: “N tuto! Fo e la Israɛl be ekumpo lempo! Manɛ nɛ anyeeŋ tiŋ n wora nɛ fo maŋ wɔtɔ?”

2 Bewura 2:12

Elaisha ka wu loŋ nɛ e boŋto ŋ kaŋɛ anebi Elaija le: “Israɛl be benapo nɛ baa dii egbaŋɛ a kɔ kena nɛ bumo nɛ baa ta egbaŋɛturko a kɔ kena na ta n nyɛnpe n choŋ!” E ka baŋ kaŋɛ loŋ n loge, e maŋ naŋ wu anebi Elaija. Nɛ Elaisha chaŋɛ mbe piŋi to a ŋini mbe kagbenejija.

2 Bewura 5:10

Ndoŋ nna nɛ Elaisha kaŋɛ mbe kayɛrbi fanɛ e lar kowu n ya kaŋɛ mo nɛ e yɔ Jɔɔdan be lɔr to n ya ber ale shunu nɛ keboti na kikɛ a yɔ.

2 Bewura 5:3

Ndoŋ nna nɛ kachako nɛ kebichebi na kaŋɛ mo chepe le: “N nyɛnpe daa beeŋ yɔ anebi nɛ e wɔ Samɛria na kutɔ nna, dafanɛ e beeŋ chɛ mbe keboti ere.”

2 Bewura 6:21

Israɛl be ewura na ka wu Siriya be benapo na, nɛ e bishi Elaisha le: “N nyɛnpe m mɔ bumo a?”

2 Bewura 8:9

Ndoŋ nna nɛ Haziɛl fin asɔ nɛ a walɛ be yiri yiri ashi Damaskɔs be kade to ŋ kre n deŋi enyɔma adena so nɛ e ya sa Elaisha. Haziɛl ka yɔ Elaisha kutɔ nɛ e kaŋɛ mo le: “Fo kayɛrbi ewura Bɛnhadad yɛ m ba bishi fo fanɛ e beeŋ koso mbe kulɔ ere to a?”

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Matiu 23:9

Menyi alɛ e sa maŋ kaŋ tre esa kama durnya ere to etuto, ŋkpal manɛ so, Etuto koŋwule nɛ men kɔ, mo alɛ wɔ ebɔrɛso.

Baru lela nɛ Jɔn kute na 13:8

Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Baru lela nɛ Jɔn kute na 9:7

“Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 28:23

Nɛ Sɔɔl kini fanɛ e maaŋ ji shɛŋ. Nɛ mbe benimu na leŋ mo to ga ŋ kaŋɛ mo fanɛ e ji, pɔɛŋ nɛ e shuli nseŋ koso kasawule n chena gedo so.

1 Samuɛl 9:10

Ndoŋ nna nɛ Sɔɔl nɛ kayɛrbi na yɔ kakpa nɛ anebi na wɔ na.