2 Bewura 5:11 - EBƆRƐ BE KAWƆL

¹¹ Ama Neeman daŋ nya agbo nna a munto a yɔ a kaŋɛ le: “N fɛ fanɛ e beeŋ lar m ba ŋ kutɔ nna m ba teŋi mbe enɔ n shoŋi ma nseŋ kule mo Nyɛnpe Ebɔrɛ na n sa ma nɛ n nya alenfia!

2 Bewura 5:11 ပူးပေါင်းရင်းမြစ်များ

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

2 Bewura 4:5

E ka malga n loge, nɛ kache na bɛta n yɔ epe n ya keta mbe mbia na n luri ebu to n ti kukuloŋ n fara e chulgi kɔlbabi na to be ŋku na a wɔtɔ ekɔlba na to nɛ mbe mbinyɛnsobi na malɛ bee ta ekɔlba fuloŋ na a sa mo.

2 Bewura 5:10

Ndoŋ nna nɛ Elaisha kaŋɛ mbe kayɛrbi fanɛ e lar kowu n ya kaŋɛ mo nɛ e yɔ Jɔɔdan be lɔr to n ya ber ale shunu nɛ keboti na kikɛ a yɔ.

2 Bewura 5:12

Elɔr nɛ baa tre Abana nɛ Faapa ashi ma kadegboŋ Damaskɔs na be nchu maŋ walɛ a chɔ Israɛl be efuli so be elɔrana be nchu a? N daa beeŋ tiŋ n ya bɛr amo to n nya kechɛ!”

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aŋasa 13:10

Kamoowu bee bar esa tɔrɔ nna. Enyiashempo bre bee fin kasotoji nna.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Matiu 15:27

Ndoŋ nna nɛ kache na kaŋɛ: “Kashenteŋ nna Enyɛnpe, ama njɔnɔ gba bee kaa dese ejikpa a tise bumo nyɛnpeana be ejiŋka a ji.”

Matiu 19:22

Kanyɛn na ka nu loŋ nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Matiu 8:8

Ndoŋ nna nɛ Romebi be benapo be enimu na kaŋɛ mo le: “Enyɛnpe, m maŋ fo keshin nɛ fo ba ma pe, amoso, baŋ malga kamalga koŋwule fanɛ fo chɛ ma kenya na nɛ e nya eleŋ.

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Baru lela nɛ Jɔn kute na 4:48

Nɛ Yesu kaŋɛ mo le: “Nɛ men be ekama baa maŋ wu mamachi be etɔɔnɛsheŋ, men maa yirda kikɛ.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!