2 Bewura 5:10 - EBƆRƐ BE KAWƆL

¹⁰ Ndoŋ nna nɛ Elaisha kaŋɛ mbe kayɛrbi fanɛ e lar kowu n ya kaŋɛ mo nɛ e yɔ Jɔɔdan be lɔr to n ya ber ale shunu nɛ keboti na kikɛ a yɔ.

2 Bewura 5:10 ပူးပေါင်းရင်းမြစ်များ

2 Bewura 2:21

nɛ e ta nfɔl na n yɔ kebuye na ase n ya chulgi n wɔtɔ kumo be nchu to nseŋ kaŋɛ fanɛ Enyɛnpe Ebɔrɛ na yɛ: “N shin nɛ nchu na ki nchu lela, amoso basa maaŋ naa wu chilchil. Kasawule na malɛ beeŋ baa wora ajibi nɛnɛ.”

2 Bewura 3:16

E yɛ: “Chaŋɛ achubɔr n wɔtɔ eboŋ nɛ k feeto n wɔlto ere be kabombi to.

2 Bewura 4:35

Kumo be kaman nɛ Elaisha koso n nite ŋ kilgi to ebu na to nseŋ naŋ ya teŋi to n dese kebia na so fanɛ kananɛ e daŋ wora sososo na. E ka wora loŋ kela nyɔsopo, nɛ kebia na ŋishi ale shunu nseŋ bugi mbe anishi.

2 Bewura 4:41

Nɛ Elaisha kaŋɛ le: “Men fin nyifu n sa ma.” B ka fin amo n sa mo nɛ e chulgi amo n wɔtɔ kapuliya na nɛ nyɔto na to nseŋ kaŋɛ le: “Men jɔ nyɔto na be adamta n sa bumo.” B ka ji amo shɛŋ shɛŋ maŋ wora bumo.

2 Bewura 5:11

Ama Neeman daŋ nya agbo nna a munto a yɔ a kaŋɛ le: “N fɛ fanɛ e beeŋ lar m ba ŋ kutɔ nna m ba teŋi mbe enɔ n shoŋi ma nseŋ kule mo Nyɛnpe Ebɔrɛ na n sa ma nɛ n nya alenfia!

2 Bewura 5:14

B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

2 Bewura 5:9

Nɛ Neeman ta mbe egbaŋɛ nɛ amo be eturko n ya yili Elaisha be laŋ to be kabuna to.

Ɛksodɔs 4:18

Ndoŋ nna nɛ Mosis bɛta n yɔ mo shanyɛn Jetro kutɔ n ya kaŋɛ mo le: “Jande, sa ma ekpa nɛ m bɛta n yɔ ma basa kutɔ ashi Ijipt n ya keni b kraa wɔ ŋkpa to a.” Nɛ Jetro kaŋɛ Mosis le: “Ebɔrɛ e yɛr fo nɛ alenfia.”

Levitikɔs 13:58

Nɛ fanɛ e ka fɔr kumo na, kapuu na maŋ naa wɔ kusɔbuuso na ŋko kechɛbi na ŋko kusɔbɔya be kawɔl na so, e beeŋ naŋ laŋɛ n fɔr kumo nɛ k nyalɛ so daŋkare be ekpa so.”

Levitikɔs 14:16

nseŋ ta mbe enɔjiso be keshilbi n nyɔ ŋku na to ŋ ŋmenyaŋ ale ashunu ashi Enyɛnpe Ebɔrɛ na be anishito.

Levitikɔs 14:51

Kumo be kaman nɛ e ta sida be kedibi na nɛ hisɔp be keyabi nɛ afantaŋ wɔ kumo so na nɛ kechɛbi peper chɛŋchɛŋ na nɛ kabuibi keniso na n nyɔ kabuibi nɛ e teŋ na be ŋklaŋ nɛ nchu na to ŋ ŋmenyaŋ laŋ na so ale ashunu.

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 16:14

Kumo be kaman nɛ e suse ŋklaŋ na be ako n ta mbe keshilbi n nyɔ amo to ŋ ŋmenyaŋ kɔnɔkoŋwule be ŋkre be deka na be buuso so nseŋ wora amo ŋ ŋmenyaŋ kumo be anishito ale shunu.

Levitikɔs 16:19

E beeŋ ta mbe keshilbi n nyɔ ŋklaŋ na to ŋ ŋmenyaŋ bɔrɛsure na so ale ashunu. Kananɛ e beeŋ wora nɛ bɔrɛsure na e nyalɛ so ashi Israɛl be basa na be alubi to nseŋ shin nɛ k ki cheembi nna na.

Nɔmbɛs 19:19

Esa nɛ e walɛ so daŋkare be ekpa so na e naaŋ ta nchu na ŋ ŋmenyaŋ basa nɛ b wora eyurpi daŋkare be ekpa so na so kachɛ sasopo nɛ kushunusopo na. Loŋ be kachɛ shunusopo na, nɛ esa nɛ e maŋ walɛ so na e fɔr mbe epiŋi nseŋ bɛr pɔɛŋ n nyalɛ so kaaseso.

Nɔmbɛs 19:4

Nɛ Eliaza e suse kumo be ŋklaŋ na be ako n ta keshilbi n nyɔ amo to ŋ ŋmenyaŋ wajɛbu na be kaba so ale ashunu.

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Baru lela nɛ Jɔn kute na 9:7

“Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.