2 Bewura 4:8 - EBƆRƐ BE KAWƆL

⁸ Kachako malɛ nɛ Elaisha yɔ kade ko nɛ baa tre Shunɛm nɛ damawurache ko wɔ ndoŋ. Nɛ damawurache na tre Elaisha mbe laŋ to fanɛ e ba tu mbe laŋ to ebi n ji. Baŋ yili loŋ be jemanɛ na, saŋkama nɛ Elaisha baŋ naŋ ba Shunɛm kache na b laŋ to nɛ e bee ji.

2 Bewura 4:8 ပူးပေါင်းရင်းမြစ်များ

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

2 Samuɛl 19:32

Bazilai daa la enyɛnnimu nna nseŋ ji fanɛ nfɛ aduburwa. E daa la damawura nna, nseŋ daa sa ewura na ajibi saŋɛ nɛ e daa wɔ Mahanaim na.

1 Bewura 1:3

Kumo be kaman nɛ b luri Israɛl be efuli kikɛ to a fin kasuŋgurbia nɛ e walɛ kebita ga nseŋ ya wu kebichebi ko nɛ baa tre Abishag nɛ e shi kade nɛ baa tre Shunɛm na, nseŋ keta mo m ba sa ewura na.

2 Bewura 4:18

Kebia na ka ki kebigboŋibi, kachako nɛ e tu mo tuto n yɔ ndɔ to kasɔteŋi be jemanɛ, nɛ mo tuto nɛ mbe beshumpo bee teŋi asɔ.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Job be kawɔl 32:9

Mannɛ kechɛr nfɛ to e naa shin nɛ esa bee nya kanyiasheŋ, ŋko a chɛ mo to nɛ e bee pin asheŋ to.

Aŋasa 7:21

Kache na ta mmalga belbelso nna, n fule mo, m pɛ mo nɛ e shuli n sa mo.

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Luuk 14:23

Nɛ enyɛnpe na kaŋɛ kenya na: ‘To, yɔ abɔrbigboŋana so nɛ nde karso be ekpaana so n ya leŋ basa to nɛ b ba nɛ ma ebu ere e nya m bɔlɔ basa.

Luuk 24:29

Nɛ basa anyɔ na kule mo ŋ kaŋɛ: “Sa maŋ yɔ, ba luri anyi be laŋ to, ŋkpal manɛ so, epeŋi teŋ tɔr nɛ kaboŋ bee jija to.”

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Joshuwa 19:18

Nde nɛ a daa wɔ bumo kasawule na so e la: Jizreel nɛ Kesullɔf nɛ Shunɛm nɛ

Demujipoana 19:20

Nɛ kanyɛnnimubi na malɛ kaŋɛ le: “Men bela a ba ma laŋ to. Meeŋ keni menyi so. A maŋ daga fanɛ men dese kelɔnɛ so nfe ŋklade.”

1 Samuɛl 28:4

Kachako nɛ Filisti be benapo na ba abar so m ba wora bumo be keeyi to m mata Shunɛm; nɛ Sɔɔl malɛ shin nɛ Israɛlebi na ya wora bumo be keeyi to ashi kebeegboŋ nɛ baa tre Gilbɔa na ase.