2 Bewura 4:39 - EBƆRƐ BE KAWƆL

³⁹ Anebiana na be eko daŋ yɔ ndɔ to nna nɛ e ya fin epofantaŋ nseŋ wu kiyi to be kefantaŋ ko nɛ asɔrso bumbuŋ chɔ kumo so nɛ e chuge amo be adamta n wɔtɔ mbe piŋi to m ba chɛr to n wɔtɔ nyɔto na to. E daa maŋ nyi asɔ nɛ a la amo.

2 Bewura 4:39 ပူးပေါင်းရင်းမြစ်များ

Jɛnesis 25:29

Kachako nɛ Isɔɔ ta akoŋ n shi kupuŋ to m ba to nɛ Jeekɔb bee daŋɛ epo belbelso ko.

1 Bewura 6:18

B daŋ ta sida be ndibi nna m mata kumo alɛ gba be epunto be egbal na so ŋ kuŋ ajembu nɛ b ta m pɔr kumo na so, nseŋ wora ndeŋke nɛ atoto be ndulgi n deŋi sida be ndibi na so n ji amo kebita.

2 Bewura 4:38

Ade be kaman nɛ Elaisha bɛta n yɔ Gilgaal nɛ akoŋgboŋ ko tɔr ndoŋ. E ka bee ŋini anebiana be katuŋ ko, nɛ e kaŋɛ mbe kayɛrbi fanɛ e ta kapuliya gboŋgboŋi n wora nyɔto n sa bumo.

2 Bewura 4:40

B ka ta nyɔto na n sa anebiana na nɛ b daŋ amo nseŋ kaŋɛ Elaisha le: “B wɔtɔ nyɔto na to kɔrtɔ nna.” Amoso anyi maaŋ ji amo.

Aŋasa 19:2

Kebaa sha kusɔ be kewora nsaa maa kɔ kumo be kenyi maŋ walɛ; kewora gerger n to kusɔ n da malɛ maŋ kɔ tɔnɔ.

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Matiu 15:13

Nɛ Yesu kaŋɛ bumo: “Kedibi kama nɛ n Tuto nɛ e wɔ ebɔrɛso na maŋ fɛa, e beeŋ tia kumo.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.