2 Bewura 4:29 - EBƆRƐ BE KAWƆL

²⁹ Nɛ Elaisha kaŋɛ Gehazi le: “Wora shiriya n ta ma kekpabi n yɔ kache ere be laŋ to n ya deŋi kebia na be anishi so. Fo kaŋ ya tu esa kama ekpa to, fo sa maŋ malga mo kutɔ, hale esa na malga fo kutɔ gba, fo sa maŋ tuge mo.”

2 Bewura 4:29 ပူးပေါင်းရင်းမြစ်များ

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

2 Bewura 2:14

n ya ta piŋi na ŋ ŋmɛa nchu na so nseŋ kaŋɛ le: “Nnɛ nɛ anebi Elaija be Ebɔrɛ na wɔ?” Ndoŋ nna nɛ lɔr na naŋ ku to anyɔ nɛ e naŋ dii.

2 Bewura 2:8

Ndoŋ nna nɛ anebi Elaija lara mbe piŋi nseŋ bɔlɔɔ kumo ŋ ŋmɛa nchu na nɛ a ku to anyɔ nɛ mo nɛ Elaisha nite kasawule wɔlso so n yɔ lɔr na be kaba ndoŋ.

2 Bewura 4:12

Kumo be kaman nɛ e shin nɛ mbe kayɛrbi Gehazi ya tre kache na. Kache na ka ba nɛ

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

Ɛksodɔs 14:16

Teŋi fo kekpabi na n shoŋi teku na nɛ k ku to nɛ Israɛlebi na e nite kasawule wɔlso so m bɔla kumo to n choŋ.

Ɛksodɔs 4:17

Ama ta kekpabi ere ŋ keta a yɔ ŋkpal manɛ so, kumo nɛ feeŋ ta a wora emamachisheŋ na.”

Aŋasa 31:17

E bee pre kenishi nna a shuŋ nsaa ta mbe eleŋ a wɔtɔ kusɔ kama nɛ e bee wora to.

Luuk 10:4

Men sa maŋ ta amansherbi ŋko ekɔlgu ŋko asɛbta nyɔsopoana n ti menyi be amu so n yɔ. Men sa maŋ ya yili ekpa to a wɔtɔ a chɔrɔ esa kikɛ.

Ashuŋ Shunso 19:12

B daa ta Pɔɔl be antikiana nɛ mbe kushuŋ to be asɔbuuso gba nna n ya kaa sa belɔpo nɛ a bee shin nɛ basa na be alɔ nɛ ayoyu lubiana malɛ gba bee lar bumo to.

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Ɛfesesebi 6:14

Amoso, men yili to nɛnɛ n ta kashenteŋ ŋ kre kashɛr to kpakpa fanɛ kreso nseŋ ta alelasheŋ malɛ fanɛ kebɛlso be kekpaŋkale.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.