2 Bewura 4:26 - EBƆRƐ BE KAWƆL

²⁶ Wora manaŋ n shɛr mo to m bishi mo fanɛ a wɔ ebel a? Kumo be kaman nɛ fo naŋ bishi mo kul nɛ mbe kebinyɛnsobi na be asheŋ.” Gehazi ka yɔ kache na kutɔ nɛ kache na kaŋɛ fanɛ kulubi kama maŋ wɔtɔ.

2 Bewura 4:26 ပူးပေါင်းရင်းမြစ်များ

Jɛnesis 29:6

Nɛ Jeekɔb naŋ bishi bumo fanɛ e kɔ alenfia a? Nɛ b naŋ shuli ŋ kaŋɛ: “Mm, e kɔ alenfia, mo pibiche Reechel gba e ya keta bumo be mbolpɔ a ba na.”

Jɛnesis 37:14

Ndoŋ nna nɛ mo tuto kaŋɛ mo: “Keni, yɔ naniere n ya keni kananɛ fo daana nɛ asɔbɔya na du. Fo kaŋ wu bumo, fo naŋ ba kaŋɛ ma kusɔ nɛ k wɔtɔ.” Ndoŋ nna nɛ e shin nɛ Josɛf bɔla Hibrɔn be ketaŋɛ to a yɔ Shɛkɛm.

Jɛnesis 43:27

Ndoŋ nna nɛ e chɔrɔ bumo nseŋ bishi bumo kananɛ kebaawɔtɔ du n sa bumo nɛ kananɛ bumo tuto du. E yɛ: “Men tuto kraa wɔtɔ a?”

2 Samuɛl 18:29

Nɛ ewura na bishi le: “Absalɔm lar a?” Nɛ Ahimaaz yɛ: “Fo benapo be enimu Jɔab ka shuŋi ma na nɛ n nu kebagato be awɔr, ama ma alɛ maŋ pin kusɔ nɛ k la.”

2 Bewura 4:23

Nɛ mo kul bishi mo: “Manɛ nna nɛ fee sha keyɔ kabre? Kabre maŋ la kewushiachɛ ŋko kufɔl popɔr be kejigboŋ be kachɛgboŋachɛ.” Nɛ kache na shuli so ŋ kaŋɛ: “Kashenteŋ nna.”

2 Bewura 4:25

Ndoŋ nna nɛ e ta n yɔ Elaisha kutɔ ashi kebeegboŋ nɛ baa tre Kaamɛl na so. Elaisha ka wu mo nɛ e kraŋ shi kufɔ e ba, nɛ e kaŋɛ mbe kayɛrbi Gehazi le: “Keni, kache nɛ e shi Shunɛm na e naa ba na!

2 Bewura 4:27

Ama e ka fo Elaisha kutɔ kebee na so, nɛ e gbir m pɛ mbe keyadra to. E ka wora loŋ na nɛ Gehazi bee shin nɛ a ŋin mo ashi Elaisha kutɔ nɛ Elaisha kaŋɛ: “Yige mo ŋkpal manɛ so n wu fanɛ mbe kagbene jija ga! Enyɛnpe Ebɔrɛ na malɛ maŋ naŋ kaŋɛ ma shɛŋ a yɔ mbe kaplɛa so.”

2 Bewura 5:22

Nɛ Gehazi kaŋɛ: “N nyɛnpe e shuŋi ma fanɛ ŋ kaŋɛ fo fanɛ anebiana be katuŋ ko be basa anyɔ e shi Efrayim be kebee be efuli so m ba. Amoso e bee sha fanɛ fo sa bumo gbiti be ndarbi ŋgboŋ asa nɛ ewajɛ lela malɛ be yiri yiri mpɔ anyɔ.”

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Ashuŋ Shunso 15:36

B wɔtɔ loŋ nɛ kachako Pɔɔl ba kaŋɛ Baanabas: “Shin nɛ an naŋ ya bɔɔ nde nɛ an daŋ ya bɔ Enyɛnpe be kubɔya n sa na to ebi be bekurgepoana na so ŋ keni kananɛ baa bɛ so.”

1 Samuɛl 17:18

nseŋ ta wagashi kudu ere malɛ n ya sa fo daana be katuŋ na be enimu. Kumo be kaman nɛ fo keni kananɛ fo daana du ndoŋ nseŋ fin shɛdaso be kusɔ ko ndoŋ m ba ŋini fanɛ fo wu bumo nɛ b kɔ alenfia.

1 Samuɛl 3:18

Ndoŋ nna nɛ Samuɛl kaŋɛ mo kusɔ kama. E maŋ ta shɛŋ shɛŋ ŋ ŋana mo so. Nɛ Eli kaŋɛ le: “Mo e la Enyɛnpe Ebɔrɛ na, kusɔ kama nɛ k par mo e wora.”