2 Bewura 4:25 - EBƆRƐ BE KAWƆL

²⁵ Ndoŋ nna nɛ e ta n yɔ Elaisha kutɔ ashi kebeegboŋ nɛ baa tre Kaamɛl na so. Elaisha ka wu mo nɛ e kraŋ shi kufɔ e ba, nɛ e kaŋɛ mbe kayɛrbi Gehazi le: “Keni, kache nɛ e shi Shunɛm na e naa ba na!

2 Bewura 4:25 ပူးပေါင်းရင်းမြစ်များ

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

1 Bewura 18:42

Ahab ka yɔ nɛ e ya ji, nɛ Elaija dii kebeegboŋ nɛ baa tre Kamɛl na be esoso n ya murgi n ta kumu n wɔtɔ aya to ŋ kule Ebɔrɛ.

2 Bewura 1:9

Nseŋ shuŋi benapo be enimu nɛ benapo adunu epul to fanɛ b ya bar anebi Elaija. Nɛ benapo be enimu na ya wu Elaija nɛ e tase kebee be esoso nseŋ kaŋɛ mo le: “Ebɔrɛ be esa, ewura yɛ, fo gbelge m ba, e bee sha k kewu fo.”

2 Bewura 2:25

Kede be kaman nɛ Elaisha dii n yɔ kebee nɛ baa tre Kaamɛl na so, nseŋ yili ndoŋ m bɛta n yɔ Samɛria be kade to.

2 Bewura 4:24

Nseŋ shin nɛ b ta gaare n deŋi kurma so nɛ e kaŋɛ mbe kayɛrbi: “Shin nɛ kurma na e ba nite manaŋ manaŋ. Sa maŋ kaŋ pɔ aya kikɛ ama m ba kaŋɛ fo fanɛ fo wora loŋ nna.”

2 Bewura 4:26

Wora manaŋ n shɛr mo to m bishi mo fanɛ a wɔ ebel a? Kumo be kaman nɛ fo naŋ bishi mo kul nɛ mbe kebinyɛnsobi na be asheŋ.” Gehazi ka yɔ kache na kutɔ nɛ kache na kaŋɛ fanɛ kulubi kama maŋ wɔtɔ.

2 Bewura 4:27

Ama e ka fo Elaisha kutɔ kebee na so, nɛ e gbir m pɛ mbe keyadra to. E ka wora loŋ na nɛ Gehazi bee shin nɛ a ŋin mo ashi Elaisha kutɔ nɛ Elaisha kaŋɛ: “Yige mo ŋkpal manɛ so n wu fanɛ mbe kagbene jija ga! Enyɛnpe Ebɔrɛ na malɛ maŋ naŋ kaŋɛ ma shɛŋ a yɔ mbe kaplɛa so.”

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

2 Bewura 8:4

Ewura na malɛ daa malga Elaisha be kayɛrbi Gehazi kutɔ nna a bishi mo Elaisha be emamachisheŋ nɛ e wora na be asheŋ.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.