2 Bewura 4:2 - EBƆRƐ BE KAWƆL

² Ndoŋ nna nɛ Elaisha bishi mo le: “Manɛ nɛ fo kɔ laŋ to? Ashere meeŋ tiŋ n chɛ fo to.” Nɛ kache na yɛ: “M maŋ kɔ shɛŋ ama ɔlif be ŋku kɔlba fimbi ko be bɔlɔ nawule.”

2 Bewura 4:2 ပူးပေါင်းရင်းမြစ်များ

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

2 Bewura 2:9

B ka fo lɔr na be kaba ndoŋ nɛ anebi Elaija bishi Elaisha le: “Manɛ nɛ fee sha ŋ ka wora n sa fo pɔɛŋ nɛ Enyɛnpe Ebɔrɛ e ta ma a yɔ?” Nɛ Elaisha malɛ kaŋɛ: “Sa ma fo kenebiya be eleŋ na be ntuŋnyɔ so saŋɛ na so meeŋ tiŋ n sɔ fo so a shuŋ.”

2 Bewura 4:3

Ndoŋ nna nɛ Elaisha kaŋɛ mo le: “Yɔ fo kurgepoana kutɔ n ya kule bumo ekɔlba fuloŋ damta kananɛ feeŋ tiŋ.

Ɛksodɔs 4:2

Nɛ Enyɛnpe Ebɔrɛ na bishi mo: “Manɛ e wɔ fo enɔ to ere?” Nɛ Mosis kaŋɛ mo: “Kekpabi nna.”

Matiu 15:34

Nɛ Yesu bishi bumo: “Ebodobodo afanɛ nɛ men kɔ?” Nɛ b kaŋɛ: “Ebodobodo ashunu nɛ ekɔrɔtɔbi ko.”

Ashuŋ Shunso 3:6

Nɛ Pita kaŋɛ mo: “M maŋ kɔ kubo, ama meeŋ sa fo kusɔ nɛ ŋ kɔ. Nazarɛt be Yesu Kristo be eleŋ to so, niŋi to n nite!”

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.