2 Bewura 3:9 - EBƆRƐ BE KAWƆL

⁹ Ndoŋ nna nɛ Edɔm be bewura ti bumo so nɛ bumo be bewura asa na keta bumo be benapo n lar nɛ b ya kɔ Mowab be ewura kena. B ka nite nchɛ ashunu nɛ bumo be nchu kikɛ loge nɛ benapo na nɛ egbaŋɛ na kikɛ maŋ naŋ nya nchu nɛ b nuu.

2 Bewura 3:9 ပူးပေါင်းရင်းမြစ်များ

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

1 Bewura 22:47

Loŋ be jemanɛ na nɛ Edɔm be efuli so maŋ kɔ ewura, amoso Juda be ewura e daŋ lara mbe ebɛsopo nɛ e bee ji kumo be kuwura.

1 Bewura 22:48

Ewura Jehoshafat daŋ shin nna nɛ b lɔŋɛ nchu so be ekuloŋgboŋana, nɛ b ba ta a yɔ Ɔfir be kasawule so n ya kaa tɔ shuwa, ama a daŋ mur ashi Eziɔngɛba nna. A daŋ maŋ tiŋ n nite nchu so kikɛ.

2 Bewura 3:1

Juda be efuli so be ewura Jehoshafat ka ji kuwura be kafɛ kuduaburwasopo be jemanɛ nɛ Ahab malɛ pibinyɛn Joram ki Israɛl be ewura nseŋ ji kuwura Samɛria be kade to nfɛ kuduanyɔ.

2 Bewura 3:10

Nɛ ewura Joram ponte ŋ kaŋɛ le: “Nuso be kenishipere be asheŋ e tu anyi ere! Enyɛnpe Ebɔrɛ na bar anyi nfe nna nɛ Mowab be ewura na e ba kɔ m pɔɔ anyi so a?”

2 Bewura 3:7

Nseŋ ta kubɔya n ya sa Juda be ewura Jehoshafat ŋ kaŋɛ: “Mowab be ewura kini kebaanu a sa ma. Feeŋ ba chɛ ma to ŋ kɔ bumo kena a?” Nɛ Jehoshafat kaŋɛ le: “N yil fo kaman, aloŋ e la ma basa nɛ ma egbaŋɛ gba.

2 Bewura 3:8

Nnɛ nɛ anyeeŋ bɔla n ya kɔ bumo?” Nɛ Joram yɛ: “Anyeeŋ bɔla Edɔm be efuli so be keshishɛrsawule na so n yɔ.”

2 Bewura 8:20

Saŋɛ so nɛ Jehoram daa la Juda be ewura na, Edɔm be efuli so be basa na daa kini kebaanu a sa Judaebi nna nsaa lara bumo gbagba be bewura.

Ɛksodɔs 11:8

Ade kikɛ be kaman fo beyaasepo ere kikɛ beeŋ ba ma kutɔ m ba gbir ma anishito ŋ kule ma ŋ kaŋɛ le: ‘Fo nɛ basa nɛ baa bɛ fo so na kikɛ, e baa yɔ.’ Kumo be kaman nɛ an lar.” Mosis ka malga le n loge nɛ e nya agbo ga nseŋ lar ewura Fɛɛro kutɔ.

Ɛksodɔs 15:22

Ade kikɛ be kaman nɛ Mosis juŋkpar Israɛlebi na ŋ koso teku peper na ase n nite n ya luri Shur be keshishɛrsawule so. B daŋ nite keshishɛrsawule na so nchɛ asa nɛ b maŋ nya nchu nɛ b nuu.

Ɛksodɔs 17:1

Israɛlebi na kikɛ daŋ naŋ koso Sin be keshishɛrsawule na so nna a na a bɛ kananɛ Enyɛnpe Ebɔrɛ daŋ ŋini bumo na so n ya yuu bumo be ewajɛbu ashi Refidim. Ndoŋ malɛ daa maŋ kɔ nchu nɛ b nuu.

Nɔmbɛs 20:2

Nchu daa maŋ wɔ kakpa nɛ b wora bumo be keeyi to na, amoso basa na daŋ ba kulti Mosis nɛ Ɛɛrɔn nna n wɔtɔ

Nɔmbɛs 20:4

Manɛ nna nɛ fo bar anyi nɛ an be asɔbɔya keshishɛrsawule ere so nɛ fo ba mɔ?

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Nɔmbɛs 33:14

B ka lar Aluush, Refidim nɛ b daŋ naŋ ya wora bumo be keeyi to. Ndoŋ nɛ b daa maŋ nya nchu nɛ b nuu na.

Demujipoana 4:10

Ndoŋ nɛ Barak ya tre Zɛbyulɔn nɛ Naftali be eyiri to ebi na nɛ benyɛn ŋgboŋ kudu lar m bɛ mo so nɛ bumo nɛ Dɛbora kikɛ yɔ.