2 Bewura 3:3 - EBƆRƐ BE KAWƆL

³ Ama kananɛ Nebat pibinyɛn ewura Jeroboam nɛ daŋ ji kuwura n wora alubi nseŋ shin nɛ Israɛlebi wora kulubi na, nɛ mo alɛ gba daŋ wora.

2 Bewura 3:3 ပူးပေါင်းရင်းမြစ်များ

1 Bewura 13:33

Ade kikɛ be kaman ewura Jeroboam maŋ yige alubi be kewora. E daa wɔtɔ nna a lara basa nɛ b maŋ shi Livai be kanaŋ to a ki bɔrɛmatapoana nɛ b baa shuŋ agbirlambu nɛ e pɔr na to. E daa ta esa kama nɛ e bee sha kabɔrɛmata be kushuŋ nna a ki bɔrɛmatapo.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 14:9

Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

1 Bewura 15:26

Kananɛ mo tuto daŋ baŋ wora kulubi na gbagba chap nɛ mo alɛ gba daŋ wora, hale n shin nɛ Israɛl tɔr kulubi to.

1 Bewura 15:34

E daŋ wora kulubi nna ŋ gbiti Enyɛnpe Ebɔrɛ fanɛ kananɛ ewura Jeroboam daŋ shin nɛ Israɛl tɔr kulubi to na gbagba.

1 Bewura 16:31

Mannɛ alubi nɛ Nebat pibinyɛn Jeroboam wora na nawule be yiri nɛ Ahab daŋ wora ama e daŋ wora amo nɛ a maŋ walɛ kekeni gba nna hale n ta Sidɔn be kade to be ewura Ɛfbaal pibiche Jɛzebel ŋ ki mbe eche nsaa shuŋ bumo be kegbir nɛ baa tre Baal na gba.

2 Bewura 13:11

Mo alɛ gba daŋ wora alubi nna ŋ gbiti Enyɛnpe Ebɔrɛ nseŋ bɛ ewura Jeroboam be aya so n wora alubi nɛ e ta Israɛl wɔtɔ to na.

2 Bewura 13:2

Mo alɛ gba daŋ wora alubi ŋ gbiti Enyɛnpe Ebɔrɛ nɛ Israɛl be efuli fanɛ kananɛ Nebat pibinyɛn ewura Jeroboam daŋ wora na nna.

2 Bewura 13:6

Ama b maŋ yige kebaawora alubi nɛ ewura Jeroboam daŋ shin nɛ Israɛl wora na. B daŋ, yige kegbirche Ashira be kegbirdibi tenteŋ nɛ b yuu n yili Samɛria na nna.

2 Bewura 14:24

Mo alɛ gba daŋ bɛ asheŋ nɛ Nebat pibinyɛn ewura Jeroboam nyɔsopo daŋ wora na so nna n shin Israɛlebi wora alubi ŋ gbiti Enyɛnpe Ebɔrɛ na.

2 Bewura 15:18

E daa maa nu a sa Enyɛnpe Ebɔrɛ na, nsaa wora alubi nɛ Nebat pibinyɛn Jeroboam daŋ wora nseŋ shin nɛ Israɛl luri kulubi to na.

2 Bewura 15:9

Kulubi nɛ bewura nɛ b juŋkpar mo na daŋ wora ŋ gbiti Enyɛnpe Ebɔrɛ na gbagba nɛ mo alɛ gba daŋ wora. E daŋ bɛ Nebat pibinyɛn ewura Jeroboam nɛ e shin nɛ Israɛl luri kulubi to na so nna.

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

2 Bewura 17:22

Alubi nɛ Jeroboam daa wora na nɛ Israɛlebi na gba daŋ baa wora

2 Bewura 17:23

hale nɛ Enyɛnpe Ebɔrɛ na ba ju bumo n lɛ fanɛ kananɛ e bɔla mbe nyɛrbi anebiana so ŋ kaŋɛ na. Kumo so nɛ b daŋ tintiŋ Israɛlebi na n lara bumo ashi bumo gbagba be kasawule so n yɔ Asiriya be efuli so kenyaya to, nɛ b wɔ ndoŋ hale kabre na.

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

2 Bewura 23:15

Ewura Josaya daŋ bure Nebat pibinyɛn ewura Jeroboam be kagbirshuŋ be mboŋ nɛ e daŋ pɔr n yili Bɛtɛl nɛ a shin nɛ Israɛlebi luri kulubi to na nna. E daŋ da bɔrɛsure na nna n lɛ m bure kumo be ajembu to kpachɛrkpachɛrbi ŋ kɔr amo to nɛ a ki fanɛ shishɛr. Kumo be kaman nɛ e chɔ kegbirche Ashira be kapɔrduli na gba.